Bir sıra ekspertlərin “qara bazar ertəsi” adlandırdığı martın 9-da “Forbes” jurnalının ilk onluğuna daxil olan milyarderlər ümumilikdə 38 milyard dollar varidat itirib.
Eləcə də bax: 2019-cu ildə milyarder adını qazanan şəxslər - REYTİNQ
FED.az "trend"ə istinadən xəbər verir ki, bu, dünya birjalarında qeydə alınan kəskin enişlə əlaqədar olub.
Ən çox pul itirən milyarder LVMH şirkətlər qrupunun prezidenti Bernar Arno olub. Gün ərzində onun 6 milyard dolları “yoxa çıxıb”.
“Amazonun” təsisçisi Ceff Bezos 5,6 milyard dollar, “Berkshire Hathaway” investisiya şirkətinin rəhbəri Uorren Baffet 5,4 milyard dollar sərvət itirib.
Eləcə də bax: “Forbes” milyarderlərin reytinqini yenilədi: SİYAHIDA AZƏRBAYCANLI DA VAR
Meksikalı biznesmen Karlos Slimin itkiləri 5 milyard dollar, “Facebook”un təsisçisi Mark Tsukerberqin itkiləri isə 4,2 milyard dollara bərabər olub.
Bundan başqa, “Zara” brendinin sahibi Amansio Orteqa 2,8 milyard, “Microsoft”un təsisçisi Bill Geyts 3,8 milyard dollar, “Google”un həmtəsisçisi Larri Peyc 3,3 milyard dollar, “Oracle” şirkətinin təsisçisi Larri Ellison 1,8 milyard məbləğində “kasıblayıb”.
