Dekabrın 19-da Qida Təhlükəsizliyi Agentliyində 30-dan çox bazar tipli ticarət mərkəzinin rəhbəri ilə görüş keçirilib. Agentlikdən FED.az-a verilən məlumatda deyilir ki, görüşdə məqsəd bazar tipli ticarət mərkəzlərində qida təhlükəsizliyi nəzarətinin təkmilləşdirilməsi olub.
Görüşdə sahibkarların diqqətinə çatdırılıb ki, Agentlik qida zəncirinin bütün mərhələlərində iştirak edən sahibkarlıq subyektlərinin fəaliyyətinə dövlət nəzarətini həyata keçirir. Bazar tipli ticarət mərkəzlərinin rəhbərləri də bu istiqamətdə öz fəaliyyətlərini təkmilləşdirməli və məhsulun təhlükəsiz satışını təmin etməlidirlər.
Eləcə də bax: Azərbaycanda gələcək nəsillərə pul yığmaq üçün - ŞƏRTLƏR AÇIQLANIB
Qida Təhlükəsizliyi Agentliyinin Sədrinin müavini Rəşad Mafusov sahibkarlara Agentliyin əhalinin sağlam qida ilə təmin edilməsi istiqamətində gördüyü işlər barədə ətraflı məlumat verib. Bildirib ki, bazar tipli ticarət mərkəzlərinin rəhbərləri də bu prosesə qoşulmalıdır. Həmçinin, bu tipli ticarət mərkəzlərində yeni nəzarət sisteminin qurulması təmin edilməlidir.
Sonda bazar tipli ticarət mərkəzləri rəhbərlərinin problemləri dinlənilib və onların həlli istiqamətində fikir mübadiləsi aparılıb.
