İdarə Heyətinin sədri “Biləsuvar Quşçuluq” ASC-nin səhmdarlarının ümumi yığıncağının növbədənkənar iclasını çağırır.
Azərbaycanda maliyyyə çətinlikləri ilə üzləşən şirkət – RƏHBƏRİNİ DƏYİŞİR
FED.az xəbər verir ki, iclasın gündəliyinə aşağıdakı məsələlər daxildir:
1. “Biləsuvar Quşçuluq” ASC-nin təşkilati-hüquqi formasının dəyişdirilərək “Biləsuvar Quşçuluq” MMC-yə çevrilməsi yolu ilə yenidən təşkil edilməsi;
2. “Biləsuvar Quşçuluq” ASC-nin müvəqqəti inzibatçısının təyin edilməsi;
3. “Biləsuvar Quşçuluq” ASC-nin səhmlərinin dövriyyədən çıxarılması və yenidən təşkil edilən “Biləsuvar Quşçuluq” MMC-nin nizamnamə kapitalının formalaşdırılması;
4. “Biləsuvar Quşçuluq” ASC-nin təşkilati-hüquqi formasının dəyişdirilərək “Biləsuvar Quşçuluq” MMC-yə çevrilməsi yolu ilə yenidən təşkil edilməsi ilə bağlı olaraq Nizamnamənin yeni redaksiyada təsdiq edilməsi;
5. Müşahidə şurasının üzvlərinin Abbasov Ərəstun Vəlican oğlunun, Əliyev Adil Ərəstun oğlunun, Babazadə Məhəmməd Əli oğlunun vəzifələrindən azad edilməsi və Müşahidə şurasının ləğv edilməsi;
6. İdarə Heyətinin üzvləri Ağayev Nihad Nizami oğlunun, Cavadov Cavid Yusif oğlunun, Həsənov Zaur Akif oğlunun vəzifələrindən azad edilməsi və İdarə Heyətinin ləğv edilməsi;
7. “Biləsuvar Quşçuluq” MMC-nin qanuni təmsilçilik funksiyası ilə direktorunun təyin edilməsi;
8. “Biləsuvar Quşçuluq” MMC-nin hüquqi ünvanının müəyyən edilməsi; 9. Digər məsələlər.
Cəmiyyətin Biləsuvar rayonu, Səmədabad kəndi ünvanında yerləşən ofisində (2-ci mərtəbə, iclas zalı) 12.06.2023-cü il tarixində saat 11:00-a keçiriləcək.
Gündəlik üzrə materiallarla 15.05.2023-cü il tarixindən etibarən Cəmiyyətin Biləsuvar rayonu, Səmədabad kəndi ünvanında yerləşən ofisində (2-ci mərtəbə, iclas zalı) iclas tarixinədək iş günləri saat 10:00-dan 17:00-dək tanış ola bilərsiniz.
Qeydiyyat iclasın başlanmasına 1 saat qalmış başlanır.
Azərbaycan Respublikasının Mülki Məcəlləsinə əsasən Səhmdar ümumi yığıncaqda iştirak hüququnu bilavasitə özü və ya nümayəndəsi vasitəsi ilə həyata keçirir. Bu zaman səhmdarın nümayəndəsi qanunvericiliklə müəyyən edilmiş qaydada tərtib edilmiş etibarnaməyə malik olmalıdır.
