2025-ci ilin yanvar-sentyabr aylarında pərakəndə ticarət şəbəkəsində 6 milyard 340,1 milyon manatlıq toxuculuq məhsulları, geyim və ayaqqabılar satılıb.
FED.az Dövlət Statistika Komitəsinə istinadən xəbər verir ki, satış 2024-cü ilin yanvar-sentyabr ayına nisbətən 5,3% çoxdur.
Bu ilin 9 ayında alıcıların pərakəndə ticarət şəbəkəsində aldıqları bütün mallara xərclədiyi vəsaitin 13,7% faizi toxuculuq məhsulları, geyim və ayaqqabıların alınmasına sərf olunub.
Təkcə sentyabr ayı ərzində əhali 1 milyard 106,8 milyon manatlıq toxuculuq məhsulları, geyim və ayaqqabılar alıb.
