Banner

Biznes

2 lirə mayasıdır - 1 LİRƏYƏ SATIRLAR

2 lirə mayasıdır - 1 LİRƏYƏ SATIRLAR | FED.az
12:38 29 Mart 2020

Türkiyənin Antaliya pomidor istehsalçıları pomidor qiymətlərinin 1 lirədən aşağı düşməsindən şikayətləniblər.

Eləcə də bax: «Xaricdən 2 manata gətirib, Bakıda - 45 MANATA SATIRLAR»

FED.az-ın məlumatına görə, pomidorun qiymətini belə ödəmədiklərindən şikayət edən istehsalçılar “Maya dəyəri 2 lirədən çox olan pomidoru 1 lirəyə sata bilmirik. Bu qiymətə istehsalı necə davam etdirəcəyik? Məhsulumuzu dəyərində satmağımız üçün dəstək gözləyirik." deyib.

Antaliyada istehsal olunan pomidorun 80 faizinin ixracata getdiyini bildirən Gazipaşa Əkinçilik Otağı Başçısı Yusuf Çelik, sərhədlərin virus səbəbiylə bağlandığını və ixracatın minimuma endiyini söyləyib.

İxraca göndərilə bilməyən pomidorun daxili bazarda qaldığını qeyd edən Çelik, “Hazırda daxili bazarda malların qiymətləri həddindən aşağı düşüb. Bu gün pomidorun maya dəyəri 2 lirədən çoxdur. İstehsalçıya zərər verməmək üçün ən pis ehtimalda 2 lirənin üzrəində satmaq lazımdır. Ancaq bu baş verəndə fermerlərə ziyan olur. Elektrik enerjisini hazırda ödəyə bilməyən fermerlər var. İndiyə qədər bir çox iş xəttinə kredit veriləcəyi deyilir, ancaq fermerlər haqqında heç nə deyilməyib. Fermerə də elektrik, su pulu yardımı edilməli, kredit və bank borcları faizsiz təxirə salınmalıdır." deyib.

Digər xəbərlər

Banner