“Tesla” səhmləri məhsulların tədarükü ilə bağlı əsassız gözləntilər və şirkətin təsisçisi İlon Maskın Ukraynada münaqişənin inkişafının mümkün ssenarisi haqqında açıqlamaları səbəbindən demək olar ki, 9% ucuzlaşıb.
Eləcə də bax: Tesla-nın rekordu investorları - SEVİNDİRMƏDİ
FED.az Banker.az-a istinadən xəbər verir ki, bu barədə “Forbes” bildirib.
Məlumata görə, elektromobil istehsalçısının qiymətli kağızları 23.23 dollar (8.75%) dəyər itirərək biri 242.05 dollar səviyyəsinə enib. Bu, Maskın Ukraynada baş verə biləcək hadisələrin proqnozu ilə bağlı tvit dərc etməsindən sonra baş verib.
İş adamı Krımı Rusiyanın bir hissəsi kimi tanımağa, Donetsk və Luqansk Xalq Respublikaları, Xerson və Zaporojye vilayətlərində seçkilər keçirməyi təklif edib. Mask həmçinin izləyiciləri arasında sorğu keçirib, nəticə etibarilə insanların çoxu iş adamının təklifinə səs verib.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
