"Bakı Fond Birjası" QSC-nin (BFB) Listinq Komitəsinin qərarı ilə “PAŞA Bank” ASC-nin Türkiyədəki törəməsi “PAŞA Yatırım Bankası"nın istiqrazları tədavül müddəti bitdiyinə görə delistinq edilib.
«CPM İnvestisiya Şirkəti»nin səhmləri - BİRJADA SATIŞA ÇIXARILIR - QİYMƏT
FED.az bu barədə BFB-yə istinadən xəbər verir.
Söhbət hər birinin nominal dəyəri 1 000 ABŞ dolları olan 25 min istiqrazından (25 milyon dollarlıq) gedir. Qiymətli kağızlar 1 917 gün tədavüldə olub. Onların illik gəlirliyi 4,85 % təşkil edib.
Xatırladaq ki, "PAŞA Yatırım Bankası" 2015-ci ildə "PAŞA Bank"ın Türkiyənin "Aksoy Holdinq"inə məxsus "TAİB Bank"ın səhmlərini alması ilə yaradılıb. Onun nizamnamə kapitalı 500 milyon lirədir (təxminən 58 milyon manat). Bankın səhmlərinin 50,96%-i “PAŞA Bank”a, 49%-i Bankın daxil olduğu “PAŞA Holdinq” MMC-yə, 0,04%-i isə “Aksoy Holdinq”ə məxsusdur. (Report)
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
