16 dekabr 2021-ci il tarixində Bakı Fond Birjasında "Bank Respublika" ASC-nin kapital bazarlarında ilk istiqraz buraxılışını qeyd etmək məqsədi ilə “Açılış Zəngi” mərasimi keçirilib.
Eləcə də bax: "Bank Respublika"nın 10 milyon manatlıq istiqrazları yerləşdiriləcək - ŞƏRTLƏR
FED.az xəbər verir ki, birjanın yaydığı məlumatda bildirilir ki, 10 milyon manat həcmində olan yerləşdirmənin anderraytinq xidmətini BFB-nin üzvü olan “PAŞA Kapital İnvestisiya Şirkəti” QSC həyata keçirib.
Açılış mərasimində emitent tərəfindən "Bank Respublika" ASC-nin idarə heyətinin sədri Tariyel İsmayılov, birja üzvü tərəfindən “Paşa Kapital İnvestisiya Şirkəti” QSC-nin direktoru Ceyhun Hacıyev, BFB-nin sədri v.m.i.e Eldar Abdullayev “Açılış Zəngi” Mərasimini açıq elan edərək “Bank Respublika" ASC-nin birja vasitəsilə həyata keçirtdiyi istiqraz buraxılışının Azərbaycanda maliyyə sektorunun inkişafı istiqamətində aparılan tədbirlərin uğurlu nəticəsi olduğunu, maliyyə sektorunun inkişafına töhfə verməklə yanaşı vətəndaşlar üçün yeni investisiya imkanlarının formalaşmasında xüsusi rol oynayacağını bildiriblər.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
