Nvidia, beş Yaxın Şərq ölkəsindəki məlumat mərkəzlərinə süni intellekt texnologiyası gətirmək üçün Qətərin telekommunikasiya şirkəti Ooredoo ilə müqavilə imzalayıb.
"Nvidia"nın səhmləri rekord vurdu - Dünyanın ən dəyərli şirkəti oldu
FED.az xəbər verir ki, bu razılaşma Nvidia-nın regionda ilk irimiqyaslı təşəbbüsü olacaq. Vaşinqton, Çin firmalarının Yaxın Şərq ölkələri vasitəsilə ən son süni intellekt texnologiyasına daxil olmasının qarşısını almaq üçün qabaqcıl ABŞ çiplərinin ixracını məhdudlaşdırıb.
Ooredoo-nun açıqlamasına görə, bu razılaşma Ooredoo-nu regionda Qətər, Əlcəzair, Tunis, Oman, Küveyt və Maldiv adalarındakı məlumat mərkəzlərinin müştərilərinə Nvidia-nın süni intellekt və qrafik emal texnologiyasına birbaşa çıxışı təmin edən ilk şirkət edəcək.
Şirkətlər sövdələşmənin dəyərini açıqlamayıb və onun iyunun 19-da Kopenhagendə keçirilən TM Forumu çərçivəsində imzalandığını bildiriblər.
Ooredoo, məlumat mərkəzlərində hansı növ Nvidia texnologiyasını quraşdıracağını dəqiq açıqlamayıb və bunun mövcud texnologiya və müştəri tələbindən asılı olduğunu bildirib.
Vaşinqton Nvidia-nın bəzi texnologiyalarının Yaxın Şərqə ixracına icazə verir, lakin şirkətin ən qabaqcıl çiplərinin ixracını məhdudlaşdırır.
Ooredoo regional məlumat mərkəzinin tutumunu indiki 40 meqavatın üzərinə 20-25 meqavat artırmaq üçün 1 milyard dollar sərmayə qoyur və on ilin sonuna qədər bu gücü təxminən üç dəfə artırmağı planlaşdırır.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
