Hindistanın fond bazarı 3,3 trilyon dollarlıq kapitallaşmaya çatıb və ən böyük bazarların reytinqində beşinci yerini bərpa edib. Bu barədə Bloomberg məlumat yayıb.
Səhmləri son bir ayda 120 dollar bahalaşıb – 43% ARTIM - YENİ QİYMƏT
FED.az biznes və maliyyə xəbərləri portalı «Bloomberg»ə istinadən xəbər verir ki, mayın 26-na Hindistanın bazar kapitallaşması 3,3 trilyon dollara çatıb.
Böyümənin səbəbkarı Hindistanın məşhur şirkəti «Adani Qrupu» olub, şirkətin birjada listələnən 10 şirkəti keçən həftə bazar dəyərinə təxminən 15 milyard dollar əlavə etdi.
«Adani Group»un səhmlərinin artımı son vaxtlar məhkəmə komissiyasının səhmlərin qiymətində manipulyasiya əlamətləri aşkar etmədiyi qənaətinə görə sürətlənib.
Bundan əlavə, Çin iqtisadiyyatının ləng bərpası səbəbindən Hindistan bazarı böyüyür. Yəni, investorlar Çindən Hindistana vəsait köçürürlər, çünki ilin əvvəlindən ölkə dünyanın əsas iqtisadiyyatları arasında ən yaxşı ÜDM artım templərindən birini nümayiş etdirir.
Dekabrın əvvəlində Amerikanın investor, NBC telekanalı S&P Global və Morgan Stanley analitik şirkətinin proqnozlarına istinadən Hindistanın Yaponiya və Almaniyanı keçərək dünyanın üçüncü ən böyük iqtisadiyyatına çevriləcəyini bildirmişdi. 2030-cu ilə qədər Asiya ölkəsinin nominal ümumi daxili məhsulunun (ÜDM) artımı 6,3% səviyyəsində qalacaq, 2031-ci ilə qədər isə ÜDM hazırkı göstərici ilə müqayisədə iki dəfədən çox artacaq.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
