Bazar ertəsi səhər qızılın qiyməti 1% bahalaşıb. Dolların dünya valyutaları, xüsusən də yen qarşısında zəifləməsi qiymətli metalın kotirovkalarını dəstəkləyir.
Birjada necə qazanırlar? - 2023-cü ildə investorlar üçün – «İNVESTAZ»DAN PROQNOZLAR
FED.az xəbər verir ki, Nyu-Yorkda Comex birjasında fevral ayı qızıl fyuçerslərinin qiyməti 19,35 dollar və ya 1% artaraq 1 troya unsiyası üçün 1948,78 dolları görüb. Gümüşün mart fyuçersləri 0,63% bahalaşaraq bir unsiya üçün 23,77 dollar olub.
Eyni zamanda, dollar yen qarşısında 0,3%, avroya qarşı isə 0,1% ucuzlaşıb.
Daha ucuz dollar qızılı başqa valyutada almaq üçün daha əlverişli edir.
ABŞ Federal Ehtiyatlar Sisteminin (FED) növbəti ikigünlük iclası bu həftəyə planlaşdırılıb. CME Group-un məlumatına görə, analitiklərin təxminən 99%-i dekabr ayında 0,50 bəndlik artımdan sonra tənzimləyicinin faiz artımını 0,25 bəndə qədər yavaşlatacağına əmindir. FED, digər dünya mərkəzi bankları ilə birlikdə keçən il yüksək inflyasiya fonunda uçot dərəcəsini artırmağa meylli idi.
Qızıl FED-in pul siyasəti ilə bağlı siqnallarına həssasdır, çünki qiymətli metalın kotirovkalarına ticarət olduğu valyuta olan dolların dəyəri təsir edir. Ənənəvi olaraq, FED-in daha çox “göyərçin” əhval-ruhiyyəsi dolları ucuzlaşdırır ki, bu da qızılın qiyməti üçün müsbətdir. (Marja)
Məlumat "İnvest-AZ İnvestisiya Şirkəti” QSC-nin Analitika Departamenti tərəfindən hazırlanıb.
