Amazon-un qurucusu Ceff Bezos iyul ayında iki gün ərzində təxminən 3 milyon Amazon səhmini sataraq 665,8 milyon dollar gəlir əldə edib.
ABŞ-da mis qiymətləri tarixi maksimuma çatıb
FED.az xəbər verir ki, bu satış ABŞ-ın maliyyə tənzimləyici qurumuna təqdim olunan sənəddə yer alıb. Sözügedən əməliyyat Bezosun bu ilin əvvəlində elan etdiyi plana əsasən həyata keçirilib – həmin plana görə, o, 2026-cı ilin may ayınadək 25 milyon Amazon səhmini satmağı nəzərdə tutur.
Bezos iyunun son günlərində də 736,7 milyon dollar dəyərində səhmlərini satmışdı. O, 2021-ci ildə Amazon-un baş direktoru vəzifəsindən istefa versə də, hələ də şirkətin ən böyük səhmdarı və İdarə Heyətinin sədridir. Hazırda Bezosun portfelində 900 milyondan çox Amazon səhmi var və bu paket təxminən 200 milyard dollar dəyərində qiymətləndirilir.
Son satış əməliyyatı Bezosun Venesiyada Lauren Sançeslə təmtəraqlı 50 milyon dollarlıq toyundan qısa müddət sonra baş tutub. Toyda İvanka Tramp, Cared Kuşner, Bill Qeyts, Oprah Winfrey, Kardashians ailəsinin üzvləri və Leonardo DiCaprio kimi məşhurlar iştirak ediblər. Bezosun şəxsi həyatı və biznes qərarları dünya mətbuatının diqqət mərkəzində qalmaqda davam edir.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
