10 aprel 2025-ci il tarixində Bakı Fond Birjasının (BFB) Listinq Komitəsinin qərarı ilə BOKT "International” ASC-nin istiqrazlarının ticarətə buraxılması üçün “Ticarətə İcazə” verildi.

"International Leasing" ASC 1 milyon manat - BORCLANIR

FED.az xəbər verir ki, AZ2025021026 ISIN kodlu istiqrazların yerləşdirilməsi üzrə hərrac 25 aprel 2025-ci il tarixində başa çatdı. Lakin bu istiqrazlar “Bakı Fond Birjasında Qiymətli Kağızların Ticarətə Qəbulu, Listinqə Alınması, Listinqdə Saxlanılması və Delistinqi Qaydaları”nın 3.18 və 3.19-cu bəndlərinin tələblərinə cavab vermədiyindən listinqə qəbul edilmədi.

Faizli, təminatsız, sənədsiz və adlı formada buraxılmış istiqrazların ümumi sayı 250 ədəd olub. İstiqrazlar kütləvi və rəqabətli hərrac üsulu ilə ilkin olaraq hər biri 1,000 manat qiymətində təklif olunub. Beləliklə, buraxılışın ümumi həcmi 250,000 manat təşkil edib. İllik gəlirliliyi 15 faiz olan bu istiqrazlar üzrə ödənişlər ilk yerləşdirmə tarixindən etibarən hər 30 gündən bir, ildə 360 gün əsas götürülməklə həyata keçiriləcək. İstiqrazların tədavül müddəti 2 il olaraq müəyyən olunub.

Hərrac zamanı sifarişlərin ümumi nominal həcmi 250,000 manat təşkil edib. Təqdim olunan sifarişlərin minimal, maksimal və ehtimal olunan kəsmə qiyməti 1,000 manat səviyyəsində olub, ortaçəkili qiymət də eyni səviyyədə formalaşıb. Hərracda ümumilikdə 7 investor iştirak edib və 7 sifariş təqdim olunub. Bu yerləşdirmənin anderrayteri “PAŞA Kapital İnvestisiya Şirkəti” QSC olub.

İstiqrazlar üzrə daha detallı məlumat aşağıdakı kimidir:

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.