Bir vaxtlar sürətlə artan kriptovalyuta bazarındə eyni sürətlə ucuzlaşma başlayıb.
Eləcə də bax: Bitkoin sahibləri üçün çox pis proqnoz – «QİYMƏTİ SIFIRA DÜŞƏCƏK»
FED.az xəbər verir ki, artıq bir neçə gündür ki, davam edən «qat itkisi» nəticəsində bitkoin başda olmaqla bütün kriptovalyutalar dəyərini itirməkdədir. Bəzi kriptovalyutaların qiymətində isə inanılmaz dərəcədə qiymət enmələri müşahidə edilir.
Bitcoin də 2021-ci ilin yanvarından bu yana ən aşağı səviyyəsini görərək 28 min dollardan aşağı düşüb – təkcə son bir həftədə 32 faiz ucuzlaşmadan sonra bitkoin hazırda 27 154 dollara satılır.
Digər məşhur kriptovalyuta – Ethereum isə son bir həftədə 37% dəyər itirib və hazırda 1852 dollara satılır.
Məşhur «LUNA» kriptovalyutasında çökmə daha güclü olub – son bir həftədə «LUNA» isə 99% və ya 260 dəfə ucuzlaşaraq 87 dollardan 34 sentə düşüb.
Budəfəki ucuzlaşma kriptovalyuta aləminin «dəyişilməz»lərinə də təsir edib. İndiyədək 1 dollar qiymətdə sabit qalan heç vaxt ucuzlaşmayan «Terra» kriptosu mayın 10-da əvvəlcə 0,65 dollara, dünən mayın 11-də isə 0,30 dollara enib. Hazırda qiymətlər yenidən 0,65 dollar ətrafındadır.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
