Ötən həftə ABŞ-da inflyasiyanın artım tempinin proqnozlaşdırılandan daha çox zəifləməsi birjalarada dolların gələcəyinə dair ümidlər yaratsa da, Demokratlar və Respublikaçılar arasında borc limiti ilə bağlı müzakirələrin içindən çıxılmaz vəziyyət alması, ən son ABŞ prezidenti Co Baydenin Konqres liderləri ilə borc limiti ilə bağlı görüşünün təxirə salınması dollar üzərində təzyiqlərin yenidən artmasına səbəb oldu.
Mərkəzi Bankın dövriyyədəki notlarının dəyəri - 1 MİLYARD MANATI KEÇİB
ABŞ Konqresinin Büdcə Ofisi (CBO), eləcə də, ABŞ Mliyyə naziri Janet Yellen borc limiti artırılmasa, hökumətin iyunun ilk iki həftəsində defolt riskinin “əhəmiyyətli dərəcədə yüksək” olduğunu vurğulayıb.
Nəticədə səngimək bilməyən qeyri-müəyyənliklər fonunda DXY ötən həftəni də 103.50 bəndlik müqavimət səviyyəsinin altında başa vurdu. Həftəni 102.20 bənddə başa vuran dollar indeksində tendensiyanın gedişinə cari ticarət həftəsində açıqlanacaq mənzil bazarlarına dair göstəricilər, həmçinin ölkədə topdan və pərakəndə satış dövriyyələrinin həcmi kimi iqtisadi göstəricilər ciddi təsir edə bilər.
EUR
Ötən həftəni 1.0860 hədlərində tamamlayan EURUSD məzənnəsində cari ticarət həftəsində tendensiyanın formalaşmasına təsir göstərə biləcək əsas faktorlar arasında Avrozonada açıqlanacaq inflyasiya göstəriciləri, AMB sədri K.Laqardın açıqlamaları, Avrozonada və Almaniyada dərc olunacaq ZEW Biznes Aktivliyi İndeksi göstəricilərini qeyd etmək olar.
Təhlillərə əsasən EURUSD məzənnəsində qiymətlər 1.0900 həddinin altında qaldığı müddətdə, eniş tendensiyası daha kəskin xarakter ala bilər.
GBP
Ötən həftə İngiltərə Mərkəzi Bankının faiz qərarı, və aylıq, rüblük və illik müqayisədə geriləyən ÜDM məlumatlarından sonra ucuzlaşan funt-sterlinqdə qiymətlərin necə dəyişəcəyi ilə bağlı suallara aydınlıq gətirmək üçün bu həftə investorlar İngiltərə Mərkəzi Bankının sədri Endryu Beylinin çıxışlarını və ölkədə əmək bazarına dair statistik rəqəmləri diqqətdə saxlayacaqlar.
GOLD
Qızıl “güvənli liman” missiyasını davam etdirir. Korrektiv olaraq bir qədər ucuzlaşsa da, qiymətli metalın bir unsiya üzrə dəyəri 2000$ səviyyəsinin üzərində qaldığı müddətdə, qiymət artımları yenidən bərpa oluna bilər. Təhlillərə əsasən hazırda 2017$-dan təklif olunan qızılın qiyməti 2021$-ın üzərinə yüksəlsə, artım tendensiyası 2034$ və 2046$-a kimi davam edə bilər.
Məlumat İnvest-AZ İnvestisiya Şirkətinin analitikləri tərəfindən hazırlanıb.
