FED.az Azərbaycanda Türkiyə kapitalı ilə fəaliyyət göstərən iki bankdan biri - “Ziraat Bank Azərbaycan”ın gəlir mənbələrini təqdim edir.

"Ziraat Bank Azərbaycan"da əmək haqqı xərcləri - 34% ARTIB

2024-cü ilin ikinci rübünün nəticələrinə görə nəticələrinə görə “Ziraat Bank Azərbaycan”ın ümumi gəlirləri 13 milyon 481 min manat təşkil edib. Bank bu göstərici üzrə ölkənin bank sistemində 20-ci yeri tutur. 

Əldə edilən gəlirin böyük hissəsi – 7 milyon 890 min manatı və ya 59%-i bankın kredit portfelinin gəlirlərindən formalaşıb.

İkinci ən çox gəlir gətirən mənbə bankın digər banklara ayırdığı depozit və kreditlərdir – ümumilikdə 2 milyon 735 min manat və ya ümumi gəlirin 20%-i.

Komissiya haqlarından isə 1 milyon 661 min  manat daxil olub, bu bankın bütün gəlirlərinin 12%-i deməkdir.

Daha 1 milyon 195 min  manat isə valyuta əməliyyatlarından daxil olub, başqa sözlə bankın bütün gəlirlərinin 9%-i. Azərbaycanda xarici kapitalla fəaliyyət göstərən bütün banklar kimi, “Ziraat Bank Azərbaycan”ın da valyuta əməliyyatlarından gəlirləri kifayət qədər yüksəkdir.

Ümumiyətlə, “Ziraat Bank Azərbaycan”ın gəlirlərinin 79%-i faiz, 21%-i qeyri-faiz gəlirlərindən ibarətdir. Digər gəlirlərin məbləği və onun ümumi gəlirlərdəki payı aşağıdakı kimidir: