FED.az Azərbaycanın aparıcı banklarından biri, kredit bazarının aktiv iştirakçısı və böyük filial şəbəkəsinə malik olan banklarından olan “Unibank”ın gəlir mənbələrini təqdim edir.

Əhalinin "Unibank"dakı əmanətləri 34 milyon manatadək artıb

2024-ci ilin ikinci rübünün nəticələrinə görə, “Unibank”ın ümumi gəlirləri 169 milyon 5 min manat təşkil edib. Bank bu göstərici üzrə ölkənin bank sestemində əla göstərici ilə 4-cü yeri tutur.

Hesabat dövründə (ikinci rüb) “Unibank”ın gəlirlərinin ən böyük hissəsi – 107 milyon 58 min manatı və ya bütün gəlirlərin 63%-i kredit portfelinin gəlirlərindən formalaşıb.

Komissiya haqlarından isə 47 milyon 564 min manat daxil olub, bu bankın bütün gəlirlərinin 27%-i deməkdir. Başqa sözlə, bu iki gəlir maddəsi “Unibank”ın gəlirlərinin 89%-ni təşkil edir.

Digər sahələrdən gəlirlər elə də ciddi məbləğlərlə ödçülmür – valyuta əməliyyatlarından gəlirlər 7 milyon 730 min manat və ya ümumi gəlirlərin 5%-i həcmində olub.

Daha 2 milyon 127 min manat və ya ümumi gəlirlərin 1%-ni “Unibank”ın qiymətli kağızlardan yatırımları təmin edib.

“Uni Bank” başqa banklarda depozit yerləşdirilməsi və kredit ayırmaqla da ümumilikdə 1 milyon 580 min manat əldə edib.

Daha 2 milyon 946 manat isə “Uni Bank”ın digər faiz və qeyri-faiz gəlirlərindən daxil olub.

Ümumiyyətlə, “Unibank”ın ümumi gəlirlərində faiz gəlirləri 67%, qeyri-faiz gəlirləri 33% təşkil edir.

Digər gəlirlərin məbləği və onun ümumi gəlirlərdəki payı aşağıdakı kimidir.