Ötən həftə Rabitəbankda 3 yeni təyinat olub.
«Rabitəbank»ın kredit portfeli 145 milyon manat artıb - RƏQƏMLƏR
Bankdan FED.az-a verilən məlumata görə, Fərid Qəhrəmanov bankın Xəzinədarlıq Departamentinin direktoru, Yaşar Fərəcov İpoteka Kreditləri üzrə Şöbə rəisi, İrana Hüseynova isə İstehlakçılarla iş şöbəsinin rəisi vəzifəsinə təyin olunub.
Ümumilikdə bank sahəsində 15 ildən artıq təcrübəyə malik olan F.Qəhrəmanov, bu vəzifəyə təyin olunanadək ölkənin aparıcı banklarında direktor müavini və direktor vəzifələrində çalışmışdır.
Qiymətli kağızlar, kapital bazarları, likvidliyin və valyuta riklərinin idarə edilməsi sahəsində bir çox sertifikatlara yiyələnmişdir.
Azərbaycan Banklar Assosiasiyasının nəzdində “Xəzinədarlıq və Fondların idarə olunması” üzrə Ekspert Qrupunun üzvüdür.
F.Qəhrəmanov Azərbaycan Dövlət İqtisad Universitetində İnformatika və İdarəetmə Fakultəsi üzrə bakalavr və magistr təhsili almışdır.
Yaşar Fərəcov 2015-2017-ci illərdə ”Rabitəbank” ASC-nin Yasamal filialında Mikrokreditlər üzrə mütəxəssis vəzifəsində çalışmış, daha sonra həmin filialın İstehlak kreditləri üzrə mütəxəssisi, Aparıcı mütəxəssis vəzifələrini, 2018-2020-ci illərdə isə İpoteka kreditləri üzrə Aparıcı mütəxəssis və Baş mütəxəssis vəzifələrini, 2020-ci ildən etibarən Riteyl Bankçılıq Departamentinin İpoteka kreditləri üzrə meneceri vəzifəsini icra etmişdir.
Y.Fərəcov 2008-2012-ci illərdə Azərbaycan Müəllimlər İnstitutunun Riyaziyyat-İnformatika fakultəsində təhsil almışdır.
İranə Hüseynova bank sahəsində 6 ildən artıq təcrübəyə malik olmaqla, ölkənin digər aparıcı banklarında Keyfiyyətə Nəzarət şöbəsinin mütəxəssisi, Müştəriyə Dəstək şöbəsində baş mütəxəssis və s. vəzifələri icra etmişdir. 2022 – ci ilin yanvar ayından “Rabitəbank” ASC - də fəaliyyətini Xidmət Keyfiyyətinə Nəzarət Departamentində, İstehlakçılarla iş şöbəsinin meneceri vəzifəsində davam etdirmişdir.
İ.Hüseynova Bakı Slavyan Universitetinin Filologiya ixtisasında təhsil almışdır.
“Rabitəbank” ASC, Azərbaycanın 16 regionu və Bakı şəhərində 27 xidmət məntəqəsi və 74 ATM-i, “Rabita Mobile” tətbiqi, İnternet Bankçılıq platforması və “RabitaBot” çatbotu, 133 nömrəli Çağrı Mərkəzi ilə müştərilərin xidmətindədir.
