Muğanbank Abşeron rayonunda yerləşən "Ticarət" filialındakı yanğınla bağlı açıqlama yayıb.
Eləcə də bax: Banklardan birinin Abşeron filialı yandı
FED.az xəbər verir ki, açıqlamada bildirilir ki, 05.03.2021 tarixində saat 22:00 radələrində Muğanbankın Abşeron rayonunda yerləşən "Ticarət" filialının köməkçi otağında ehtimala görə qısa qapanma nəticəsində alışma baş vermişdir. Hadisə yerinə dərhal FHN əməkdaşları və polis cəlb edilib. Təxirəsalınmaz tədbirlər nəticəsində alışma söndürülüb.
Köməkçi otaqda yerləşən kondisioner və istifadə olunmayan mebel yararsız hala düşüb.
Bank rəhbərliyi FHN və DİN əməkdaşlarına vaxtında müdaxilə nəticəsində ciddi maddi ziyanın qarşısını aldıqlarına görə öz minnətdarlığını bildirir.
