Banner

Bank

Həmin pullar Mərkəzi Bankda saxlanılır - NEFT FONDUNDAN AÇIQLAMA

Həmin pullar Mərkəzi Bankda saxlanılır - NEFT FONDUNDAN AÇIQLAMA | FED.az
20:04 23 İyul 2020

Azərbaycan Respublikası Dövlət Neft Fonduna (ARDNF) daxil olan sorğulara cavab olaraq bildirir ki, bu ilin yanvar-iyun aylarında fond tərəfindən hərraclar vasitəsilə 4 milyard 10,1 milyon ABŞ dolları satılıb.

Eləcə də bax: Neft Fondunun pulları belə saxlanılır – İNFOQRAFİKA

FED.az xəbər verir ki, Fondun İctimaiyyətlə əlaqələr departamentindən "azərtac"a bildirilib ki, bu vəsaitin bir hissəsi (5 milyard 675 milyon manat) yanvar-iyun ayları ərzində plana uyğun şəkildə dövlət büdcəsinə transfert edilib.

Eləcə də bax: Banklar 2020-ci ilin II rübünü belə başa vurdular - MƏNFƏƏT VƏ ZƏRƏR - SİYAHI - YENİLƏNİR

ARDNF cari ilin ilk 6 ayı üzrə investisiya fəaliyyətinə dair təqdimatını (https://www.oilfund.az/storage/uploads/wwfnsts4ng.pdf) ictimaiyyətə açıqlayıb. Təqdimatda da qeyd edilib ki, iyulun 1-nə ARDNF-in aktivlərinin tərkibinə digər valyutalarla yanaşı 586,7 milyon ABŞ dolları ekvivalentində, yəni 997,3 milyon manat daxildir ki, bu vəsait də ARDNF-in Mərkəzi Bankdakı hesabında saxlanılır və plana uyğun olaraq manatla olan öhdəliklərini yerinə yetirmək məqsədilə istifadə ediləcək.

Yuxarıda qeyd edilənləri nəzərə alaraq bir daha bildirmək istərdik ki, ARDNF fəaliyyəti barədə məlumatları daim ictimaiyyətə açıqlayır və bu prosesi davam etdirəcək. Fond hər zaman ictimaiyyətin və media nümayəndələrinin suallarını cavablandırmağa hazırdır.

Digər xəbərlər

Banner