“Expressbank” ASC müasir dünyamızda maliyyə və bank sektoruna aid olan ən son innovasiyaları və yenilikləri fəaliyyət mexaniziminə tətbiq edərək ölkənin aparıcı banklarından birinə çevrilmişdir.
Azərbaycan bankları 2-ci rübü belə başa vurdu – MƏNFƏƏT-ZƏRƏR – SİYAHI - YENİLƏNİR
Eləcə də bax: “Expressbank”dan krediti 2 ay sonra ödəməklə - İNDİ ƏLDƏ EDİN!
FED.az xəbər verir ki, bank müvəffəqiyyət tarixinə daha bir uğurlu statistik göstəricini əlavə etmişdir. Bu dəfə “Expressbank” ASC 2022-ci ilin ikinci rübünü 8 milyon manat mənfəətlə başa vurub. Xüsusilə bildirmək istərdik ki, keçən ilin ikinci rübü ilə müqayisədə bu ilin ikinci rübünü 30% artım ilə tamamlamaqla olduqca uğurlu nəticə əldə etmişdir.
Aktivlərin həcmində artım qeydə alınmışdır.
Yuxarıda da qeyd etdiyimiz üzrə bank bir çox komponentlərdə keçən ilin ikinci rübü ilə müqayisədə 2022-ci ilin ikinci rübündə də artım əldə etmişdir. Bu uğurlu nəticə bankın aktivlərinin həcminə də öz təsirini göstərmişdir. Bankın aktivləri keçən ilin sonu ilə müqayisədə 5% artaraq 369,581 milyon manat olmuşdur.
Depozit portfelinin həcmi böyümüşdür.
Bank-müştəri münasibətlərində olan inam və güvən özünü bu dəfə də statistik göstəricilərdə göstərmişdir. Belə ki, bankın keçən ilin sonu ilə müqayisədə bu ilin ikinci rübündə depozit portfelinin həcmi 6% artmış və 165,528 milyon manat olmuşdur.
Kreditlərin ümumi payında artım qeydə alınıb.
“Expressbank” ASC hər zaman müştərilərinin arzularını gerçəkləşdirməsi üçün sərfəli və uyğun şərtlərlə kredit məhsullarını təklif edir. Müştərilər üçün həyata keçirilən sərfəli və uyğun kampaniyalar onların böyük marağına səbəb olmuş və bu özünü kredit müraciətlərində də əks etdirmişdir. Ötən ilin sonu ilə müqayisədə bu ilin ikinci rübündə bankın ümumi kredit portfeli artmış və 273,345 milyon manat olmuşdur.
Kapitalın həcmində artım müşahidə olunub.
Hesabatda kapital həcminə aid olan artımı da xüsusi olaraq vurğulaya bilərik. Ötən ilin sonu ilə müqayisədə 2022-ci ilin ikinci rübündə bankın kapitalında da artım olmuşdur. Kapital həcmi 6% artaraq 132,256 milyon manat nəticə göstərmişdir.
2022-ci ilin ikinci rübündə keçən ilin müvafiq dövrü ilə müqayisədə “Expressbank” ASC-nin həm faiz gəlirləri, həm də qeyri-faiz gəlirlərində də artım olmuşdur. İlin ikinci rübündə bankın faiz gəlirləri 16% artaraq 23,566 milyon manat məbləğinə, qeyri-faiz gəlirləri isə 23% artaraq 8,822 milyon manat məbləğinə çatmışdır.
Bütün statistik nəticələri izləyərkən qeyd edə bilərik ki, “Expressbank” ASC-nin ikinci rüb üzrə xalis faiz gəliri keçən ilin müvafiq dövrü ilə müqayisədə 13% artaraq 18,906 milyon manat olmuşdur.
2022-ci ilin ikinci rübünün göstəricilərinə əsasən, “Expressbank” ASC-nin cari ilin ikinci rübündə I dərəcəli kapitalın adekvatlıq əmsalı 33.93%, məcmu kapitalın adekvatlıq əmsalı 37.23% və leverec əmsalı isə 30.94% təşkil edib. Həmçinin bankın məcmu kapitalı ikinci rüb üzrə 129,349 milyon manat olmuşdur. Bu göstərici Mərkəzi Bankın müəyyən etdiyi normadan 2 dəfədən çox artıq olmaqla bankın maliyyə cəhətdən sağlam və dayanıqlı olduğunu bir daha nümayiş etdirir.
Xüsusilə qeyd etmək istərdik ki, iqtisadi və maliyyə sektorunda adekvatlıq, müştəri portfelinin artım tempinin inkişafı, gəlir potensialı və şəffaflıq kimi meyarlar üzrə dəyərləndirmə aparan “Fitch Ratings” agentliyi “Expressbank” ASC-nin fəaliyyətinə yüksək qiymət verərək bankın reytinqini “B” səviyyəli “stabil” proqnozu ilə təsdiqləyib.
“Expressbank” ASC hər zaman maliyyə və bank sektorunda uğurlu, məhsuldar və yenilikçi fəaliyyətini davam etdirməkdən və bütün kateqoriyalar üzrə müvəffəqiyyətlə irəliləməkdən məmnunluq duyur və bu fəaliyyətini daha da təkmilləşdirəcəkdir.
Bank məhsulları və xidmətləri barədə ətraflı məlumatı Bankın rəsmi saytına www.expressbank.az daxil olaraq və ya 132 Məlumat mərkəzinə zəng edərək əldə edə bilərsiniz.
