2023-cü ilin dekabrında ABŞ tərəfindən rəsmi Moskvaya qarşı sanksiyaları sərtləşdirildikdən sonra bir çox Çin bankı Rusiya ilə hər hansı ödənişləri dollarla etməyi dayandırıb.
Çin bankları rusiyalı müştərilərinə qarşı məhdudiyyətlər - TƏTBİQ EDİR
FED.az xəbər verir ki, bu barədə “İzvestiya” qəzeti məlumat yayıb.
Yeni məhdudiyyətlər Çin banklarının ikinci dərəcəli sanksiyaların mümkün tətbiqi ilə bağlı qorxularla bağlıdır.
Məsələ burasındadır ki, dollarla olan bütün ödənişlər, alıcının və göndərənin ölkəsindən asılı olmayaraq, Amerika banklarında açılmış müxbir hesablar vasitəsilə həyata keçirilir, ona görə də onlar asanlıqla izlənilir.
Bununla yanaşı, Çin kredit təşkilatları hələ də ödənişləri milli valyutalarda həyata keçirməkdə maraqlıdırlar. “İzvestiya” mənbələri bildiriblər ki, indi rubl və yuanla ödənişlər adi formatda həyata keçirilir. (Report)
