İyulun 26-da Azərbaycan Mərkəzi Bankı (AMB) faiz qərarını elan edəcək. AMB-dən FED.az-a bildirilib ki, saat 15:00-da Mərkəzi Bankda faiz dəhlizinin parametrlərinə dair mətbuat konfransı keçiriləcək və AMB sədri Elman Rüstəmov qərarı açıqlayaraq bununla bağlı sualları cavablandıracaq.
Eləcə də bax:Azərbaycanda nə qədər pul dövr edir? - PUL BAZASININ DƏYİŞMƏSİ – 2018-2019-CƏDVƏL

Xatırladaq ki, Mərkəzi Bankk faiz qərarını bundan əvvəl iyunun 7-də  elan etmiş və 8,75%-dən 8,5%-ə endirmişdi. Faiz dəhlizinin yuxarı həddi 10.5%, aşağı həddi isə 6.5% (uçot dərəcəsinə ±2%-lik simmetrik diapazonda) səviyyəsində müəyyən edilmişdi.

Mərkəzi Bank həmni vaxt elan etmişdi ki, bu qərar faktiki inflyasiyanın hədəf diapazonunun (4±2%) mərkəzindən aşağıda olması, inflyasiya gözləntilərinin sabitliyi, xarici mühitin əlverişli qalması və yenilənmiş makroiqtisadi proqnozlar nəzərə alınmaqla qəbul edilib.
 
Qeyd edək ki, 2017-ci ildə Mərkəzi Bankın uçot dərəcəsi 15% səviyyəsində olub. 2018-in fevralında uçot dərəcəsi 13%-ə, apreldə 11%-ə, iyulda 10%-ə, oktyabrda 9,75%-ə endirilib. Uçot dərəcəsi 2019-cu ildə də endirilməkdə davam edib. Fevralda 9,25%-ə, mart ayında 9%-ə, aprel ayında 8,75%-ə, iyunun 7-də isə 8,5%-ə endirilib.
 
Ümumiyyətlə son vaxtlar hökumətin iqtisadi aktivliyi stimullaşdırmaq üçün yumşaldıcı qərarlar verdiyini və sərt siyəsəti yumşaltdığını nəzərə alanda güman etmək olar ki, faizlər ya olduğu həddə saxlanılacaq, ya da olduğu kimi qalacaq.
 
Qeyd edək ki, bundan əvvəlki faiz qərarı açıqlananda - may ayının yekunlarına görə, iqtisadiyyatda pul kütləsi 6,6% artmışdı. Həmin vaxt Mərkəzi Bank bu həddin
inflyasiya hədəfinə nail olmaq baxımından məqbul səviyyədə olduğunu elan etmişdi.
 
Amma ondan sonra - iyunun 18-də prezidentin sərəncamları ilə ikinci sosial paketin tətbiqi və bununla da qarşıdakı aylarda iqtisadiyyata 2 milyard manata yaxın, ümumilikdə isə iki sosial paket çərçivəsində 4,2 milyard manat yeni pul kütləsinin buraxılacağı gözlənilir. Bu dəyişiliklərin fonunda və Elman Rüstəmovun ənənəvi ehtiyatlılığını nəzərə alanda böyük ehtimalla faiz dərəcəsinin olduğu kimi qalacağı ehtimalı daha byöükdür.