2025-ci ilin sentyabrın 1-nə Azərbaycanda fəaliyyət göstərən bankların qeyri-faiz xərcləri 2 milyard 44,9 milyon manat təşkil edib.
FED.az bu barədə Azərbaycan Mərkzi Bankına istinadən xəbər verir.
Bankların cəmi qeyri-faiz xərcləri ötən ilin eyni dövrü ilə müqayisədə 261,0 milyon manat, yəni 14,6% artıb, lakin ötən ilin sonuna nəzərən 727,7 milyon manat, yəni 26,3% azalıb. Aylıq müqayisədə isə xərclər 267,1 milyon manat, yəni 15,0% yüksəlib.
Bu xərclərin tərkibində əsas vəsaitlərlə bağlı xərclər 281,3 milyon manata çatıb. Bu, illik müqayisədə 33,8 milyon manat, yəni 13,7% artım, ötən ilin sonuna nəzərən isə 104,2 milyon manat, yəni 27,0% azalma deməkdir. Son bir ayda bu xərclər 35,9 milyon manat, yəni 14,6% artıb.
Bankların xidmətlər üzrə haqq və komissiya xərcləri 712,3 milyon manat təşkil edib. Bu rəqəm ötən ilin eyni dövrü ilə müqayisədə 108,8 milyon manat, yəni 18,0% artıb, lakin ötən ilin sonuna nəzərən 219,3 milyon manat, yəni 23,5% azalıb. Aylıq müqayisədə bu xərclərdə 93,0 milyon manat, yəni 15,0% artım qeydə alınıb.
Digər qeyri-faiz xərcləri maddəsi isə 1 milyard 51,3 milyon manat olub. Bu, illik müqayisədə 118,5 milyon manat, yəni 12,7% artıb, lakin ötən ilin sonuna nəzərən 404,2 milyon manat, yəni 27,8% azalıb. Son bir ayda isə bu xərclər 138,1 milyon manat, yəni 15,1% artıb.
Xatırladaq ki, bankların cəmi qeyri-faiz xərcləri bu ilin avqustun 1-nə 1 milyard 777,8 milyon manat, ötən ilin sonunda 2 milyard 772,6 milyon manat, 2024-cü ilin sentyabrın 1-nə isə 1 milyard 783,9 milyon manat təşkil etmişdir.
