“Bank BTB” 100% ona məxsus “BTB Kapital İnvestisiya Şirkəti” ASC-ni satıb.
“Bank BTB” törəmə - İNVESTİSİYA ŞİRKƏTİNİ SATDI
FED.az xəbər verir ki, bu barədə bankdan bildirilib. Qeyd edilib ki, “BTB Kapital İnvestisiya Şirkəti” ASC-nin 100% payı şirkətin hazırki direktoru Ruslan Cəfərov tərəfindən əldə edilib. Satışın dəyəri 350 min manat olub.
Qeyd edək ki, Ruslan Cəfərov qiymətli kağızlar bazarı sahəsində 15 ildən artıq təcrübəyə malikdir.
Xatırladaq ki, “BTB Kapital” 2018-ci ildə yaradılıb. "Bank BTB" bu ilin əvvəlində törəmə şirkətinin nizamnamə kapitalından 650 min manat geri çəkdikdən sonra, şirkətin kapitalı 350 min manata enib. (Apa)
