Banner

Bank

Azərbaycanda beynəlxalq kart təşkilatları üzrə vahid interçeync xidmət haqları - Tətbiq Oluna Bilər

Azərbaycanda beynəlxalq kart təşkilatları üzrə vahid interçeync xidmət haqları - Tətbiq Oluna Bilər | FED.az
13:19 25 İyul 2020

Azərbaycan Banklar Assosiasiyasının (ABA) nəzdində fəaliyyət göstərən “Ödəniş sistemləri və rəqəmsal bankçılıq üzrə Ekspert Qrupu”nun növbəti onlayn iclası keçirilib.

Eləcə də bax: Azərbaycanda ödəniş kartlarının istifadə müddəti bir qədər də uzadılıb

ABA-dan FED.az-a bildirilib ki, iclas zamanı ölkə daxilində ödəniş kartları ilə aparılan müxtəlif növ əməliyyatlarda beynəlxalq kart təşkilatları üzrə vahid interçeync xidmət haqlarının tətbiq edilməsi müzakirə edilib və bu siyasətin tətbiq edilməsi dəstəklənib. Həmçinin Azərbaycan Mərkəzi Bankı qarşısında bununla bağlı məsələnin qaldırılması qərara alınıb.

Müzakirələr zamanı, beynəlxalq kart təşkilatlarından olan “MasterCard Worldwide” ilə göstərilən xidmətlərə görə hesablaşmaların aparılması zamanı ikiqat vergitutmanın tətbiq olunduğu açıqlanaraq bu məsələdə dəstək olmaq üçün aidiyyəti hökumət qurumlarına müraciət edilməsi razılaşdırılıb.

Eləcə də bax: Banklar 2020-ci ilin II rübünü belə başa vurdular - MƏNFƏƏT VƏ ZƏRƏR - SİYAHI - YENİLƏNİR

Görüşdə, həmçinin “2018-2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı”nın icrası çərçivəsində “Baza bank xidmətləri paketi” layihəsinə toxunularaq tətbiqi istiqamətləri müzakirə olunub.

Bır sıra mövzuların müzakirə olunduğu görüşdə ölkəmizin ödəniş ekosistemində təmsil olunan müxtəlif maliyyə institutları, o cümlədən pulköçürmə sistemlərinə münasibətdə eksklüziv yanaşmanın aradan qaldırılması zərurəti də qeyd edilib.

Digər xəbərlər

Banner