FED.az Azərbaycanın aparıcı banklarından olan “Azərbaycan Sənaye Bankı”nın gəlir mənbələrini təqdim edir.

Müştəriləri “Azərbaycan Sənaye Bankı”ndan pulların bir hissəsini geri götürüb - HESABAT

2024-cü ilin ikinci rübünün nəticələrinə görə nəticələrinə görə “Azərbaycan Sənaye Bankı”ın gəlirləri 24 milyon 686 min manat təşkil edib. Bu göstərici ilə bank ölkənin bank sistemində 15-ci yerdədir. “Azərbaycan Sənaye Bankı” öz gəlir mənbələrinə görə, ölkə banklarının demək olar ki, hamısından fərqlənir. Bank sektorunun lideri – Azərbaycan Beynəlxalq Bankını (ABB) və 2-ci böyük bankı olan “Kapitalbank”ı nəzərə almasaq, ölkədə başqa heç bir bank başqa banklara yerləşdirdiyi depozitlərdən belə yüksək qazanc əldə edə bilmir.

“Azərbaycan Sənaye Bankı” başqa banklardakı depozitlərdən 9 milyon 118 min manat qazanıb. Bu maddə bankın bütün gəlirlərinin 36%-ni təşkil edir. Yəni hər 3 manat gəlirin 1 manatı depozitdən daxil olur.

Banklar üçün ənənəvi olan kredit portfelindən gələn faizlər isə “Azərbaycan Sənaye Bankı”nın gəlirlərinin cəmi 33%-ni təşkil edir – 8 milyon 106 min manat. Bu məbləğ ölkənin ən kiçik banklarının kredit gəlirləri ilə müqayisə olunacaq həddədir.

“Azərbaycan Sənaye Bankı” bank komissiyalarından 6 milyon 82 min manat – ümumi gəlirlərin 25%-i qədər , valyuta əməliyyatlarından isə cəmi 1 milyon 271 min manat - ümumi gəlirlərin 5%-i qədər qazanıb. Bank prinsipial olaraq qiymətli kağızlardan gəlir əldə etmir.

Ümumiyətlə, “ Azərbaycan Sənaye Bankı “ın gəlirlərinin 70%-i faiz,  30%-i qeyri-faiz gəlirlərindən ibarətdir.

Digər gəlirlərin məbləği və onun ümumi gəlirlərdəki payı aşağıdakı kimidir: