Azərbaycanın kredit portfelinin əsas hissəsini təşkil edən biznes kreditlərinin həcmi noyabrın 1-nə 15 milyard 623,4 milyon manata çatıb.
Azərbaycanın kredit portfeli 29,4 milyardı ötdü - BİR İLDƏ 2,3 MİLYARD MANATLIQ BÖYÜMƏ
FED.az Mərkzi Bankın hesabatına istinadən bildirir ki, bu, ötən ilin eyni dövrü ilə müqayisədə 995,3 milyon manat və ya 6,8% artım deməkdir.
Ötən ilin eyni dövründə bankların biznes kreditləri portfeli 14 milyard 628,1 milyon manat təşkil edirdi.
Portfelin qısamüddətli dinamikası da artımla yadda qalıb. Ötən ilin sonuna (14 mlrd. 787,2 mln. manat) nəzərən 836,2 milyon manatlıq (5,7%) artım olsa da, oktyabr ayı ərzində biznes kreditləri 78,8 milyon manat (0,5%) artıb.
Müqayisə üçün qeyd edək ki, biznes kreditləri portfeli bu ilin oktyabrın 1-nə 15 milyard 544,6 milyon manat, ötən ilin sonunda 14 milyard 787,2 milyon manat, ötən ilin eyni dövründə isə 14 milyard 628,1 milyon manat təşkil edirdi.
