Aşqabadda sıxlıq problemini həll etmək üçün bank binalarından kənarda yerləşən bankomatlar sökülür.
Eləcə də bax: «Atabank əməliyyatı»ndan sonra - Bank Şəbəkəsi «Özünə Gəlir»
FED.az Banker.az-a istinadən xəbər verir ki, Türkmənistanın Aşqabad şəhərində sıxlıq problemini həll etmək üçün bank binalarından kənarda yerləşən bankomatlar sökülür.
Bildirildiyi kimi, Rusiya və Tekinski bazarlarında, həmçinin əhali arasında populyar olan ticarət mərkəzlərindəki bankomatlar sökülüb.
Əvvəllər yüzlərlə insan pullarını çıxarmaq üçün bankomatlar qarşısında toplaşırdı. ATM-lərin sayının azalması səbəbindən paytaxt sakinləri uzun müddət ərzində növbədə dayanmağa məcbur olurdular.
Xatırladaq ki, bir həftə əvvəl Aşqabad sakinlərinin Səhiyyə Nazirliyinin tələblərinə baxmayaraq sosial məsafə saxlamaması barədə məlumat yayılmışdır.
İyulun 19-da Aşqabaddakı avtobus dayanacaqlarında ictimai nəqliyyatda tibbi maska və əlcək taxmaq, digər sərnişinlərlə ən azı yarım metr mesafə saxlamaq, o cümlədən “sanitariya normalarına əməl etmək” tələbləri ilə elanlar yerləşdirildi.
Qeyd edək ki, Türkmənistanda iyulun 21-dən ticarət mərkəzləri və bazarlar, idman zalları və hövuzlar, habelə xidmət sahəsində fəaliyyət göstərən müəssisələrin işi bərpa olunmuşdur.
