«AccessBank» QSC pulu nədən qazanır? 

«Accessbank»da əmanət faizləri dəyişdi – RƏQƏMLƏR, MÜQAYİSƏ

FED.az Azərbaycanın bank sektorunun aparıcı oyunçularından biri, kredit bazarının aktiv iştirakçısı, mikro və kiçik biznesin kreditləşməsi üzrə lider bank olan – “AccessBank” QSC-nin gəlir mənbələrini təqdim edir.

2023-ci ilin üçüncü rübünün nəticələrinə görə, “AccessBank”ın ümumi gəlirləri 155 milyon 505 min manat təşkil edib. Bank bu göstərici üzrə ölkənin bank sistemində 6-cı yeri tutur. Hesabat dövründə bankın gəlirlərinin ən böyük hissəsi – 134 milyon 44 min manatı və ya bütün gəlirlərin 86%-i kredit portfelinin gəlirlərindən formalaşıb. Komissiya haqlarından isə 12 milyon manat daxil olub, bu bankın bütün gəlirlərinin 7%-i deməkdir. “AccessBank” ən az gəlirini valyuta əməliyyatlarından götürüb – 447 min manat bankın bütün gəlirinin 1%-i. Bank qiymətli kağızlar bazarına yatırımlardan 2 milyon 946 min manat və ya ümumi gəlirlərin 2%-i qədər gəlir əldə edib. 5 milyon 29 min manat məbləği başqa banklara ayırdığı depozitlərdən və kreditlərdən qazanıb.

Ümumiyyətlə, “AccessBank” ölkə bankları arasında ümumi gəlirlərində faiz gəlirlərinin ən yüksək olduğu bankdır - ümumi gəlirlərində faiz gəlirləri 91%, qeyri-faiz gəlirləri 9% təşkil edir. Digər gəlirlərin məbləği və onun ümumi gəlirlərdəki payı aşağıdakı kimidir.