Bu ilin üçüncü rübünün sonunda ölkənin lider bankı ABB-nin kredit portfeli 7 milyard 854,1 milyon manat olub.

Azərbaycan bankları 3-cü rübü belə başa vurdular – MƏNFƏƏT-ZƏRƏR (2026) - YENİLƏNİR

FED.az biznes və maliyyə xəbərləri portalı xəbər verir ki, bankın kredit portfeli bu ilin əvvəlindən bəri 774,1 milyon manat və ya 10,9% artıb.

Bankın kredit porfelində istehlak kreditləri 28,6%, biznes kreditləri 48,4%, daşınmaz əmlak kreditləri 23% yer tutub.

Beləliklə, son 9 ayda istehlak kreditlərinin həcmi 260 milyon manat (13,1%) artaraq 2 milyard 244 milyon manata, biznes kreditlərinin həcmi 257 milyon manat (7,2%) artaraq 3 milyard 802 milyon manata, daşınmaz əmlak kreditləri 257,5 milyon manat (16,6%) artaraq 1 milyard 808 milyon manata yüksəlib.

Qeyd edək ki, hesabat dövrünün sonunda bankın cəmi aktivləri 16 milyard 117,6 milyon manat, cəmi öhdəlikləri 13 milyard 794,9 milyon manat təşkil edib.