ABŞ-ın Tesla şirkətinin internet saytındakı yenilənmiş qiymət siyahısına əsasən, ən bahalı Cybertruck versiyası olan Cyberbeast modelinin ABŞ satış qiymətini 114 990 dollardan 99 990 dollara endirilib.
BYD 2025-ci ildə “Tesla”nı geridə qoyaraq elektromobillərin ən böyük tədarükçüsü olub
FED.az biznes və maliyyə xəbərləri portalı xəbər verir ki, təxminən 15 min dollarlıq bu endirim ilə model yenidən 100 min dollar psixoloji səviyyədən aşağı düşmüşdür.
“Luxe Package” paketi ləğv edilib
Qiymət endirimi ilə Tesla-nın ötən ilin avqust ayında təqdim etdiyi “Luxe Package” paketini də deaktiv edib.
Sözügedən paket - Supervised Full Self-Driving (Nəzarət altında Tam Avtonom Sürüş) və Supercharger şəbəkəsinə pulsuz giriş kimi üstünlükləri əhatə edirdi.
Bu addım qiymət endiriminin avadanlıq sadələşdirilməsi ilə həyata keçirildiyini ortaya qoyur.
Digər Cybertruck modellərində dəyişiklik yoxdur
Cybertruck ailəsinin digər versiyalarında hər hansı qiymət yeniləməsi aparılmayıb. Endirim yalnız ən yüksək təchizatlı Cyberbeast modelini əhatə edir.
Tesla ayın əvvəlində ən çox satılan SUV modeli olan Tesla Model Y üçün də yeni qiymət variantı elan etmişdir. (Marja)
