BYD şirkəti, Çinin elektrikli avtomobil qiymətləri "müharibəsində" yeni bir "cəbhə" açır - Şirkət heç bir əlavə xərc tələb etmədən öz modellərinin əksəriyyətinə qabaqcıl sürücüyə yardım xüsusiyyətləri əlavə edəcək.
FED.az xəbər verir ki, Şenzhendə çoxdan gözlənilən tədbirdə BYD, 68 000 yuandan (təxminən 9,500 ABŞ dolları) başlayan avtomobillərdə özünün "Tanrının Gözü" sürücüyə yardım sistemini standartlaşdıracağını və onun məşhur Seagull hetçbeki kimi bir neçə daha ucuz modellərdə də olacağını açqlayıb.
Rəqiblər eyni xüsusiyyətləri ödənişli şəkildə təqdim edirlər
Sürücüyə dəstək texnologiyları Çində avtomobil istehsalçıları üçün əsas "döyüş meydanlarından" biri olsa da, oxşar xüsusiyyətlərə malik rəqiblərin avtomobilləri tez-tez 150.000 yuandan yüksək qiymətlərə satılır, bəzi istehsalçılar texnologiyanı işə salmaq üçün əlavə ödənişlər alırlar. Məsələn, tam avtonom sürücülük kimi bazara çıxardığı xüsusiyyətlərin sınaqlarına başlamaq üçün Pekindən təsdiq gözləyən, lakin təsdiqi ala bilməyn Tesla şirkəti, ABŞ-da ayda 99 dollar alır.
Müstəqil Çin avtoanalitiki Lei Xing, "Bu, demək olar ki, bütün BYD markalı avtomobillər üçün ağıllı xüsusiyyət yeniləməsi adı altında qiymət endirimi olmadan qiymət endirimidir" deyib.
BYD səhmlərinin qiyməti rekord həddə çatıb
Çərşənbə axşamı Honq Konqda ticarətin əvvəlində BYD səhmləri 4,5 faiz bahalaşaraq rekord həddə çatıb və bazar dəyəri 132 milyard dollara yüksəlib; Bu Ford Motor, General Motors və Stellantis əmi bazar dəyərlərindən yüksəkdir. Səhmlərdəki bahalaşma, bazar ertəsi günü baş verəcək hadisə ilə bağlı gözləntilərdən qaynaqlanraq, ötən həftə 21 faiz bahalaşmışdır.
Qabaqcıl sürücülük (idarəetmə) xüsusiyyətləri üzrə bu addım, keçən il 4 milyondan çox avtomobil satan BYD-nin, bu cür texnologiyanı daha ucuz avtomobillərə təqdim edə bilməyən Tesla, Xpeng və Xiaomi kimi rəqibləri qarşısında mövqeyini genişləndirməyə kömək edə bilər.
BYD sədri Vanq Çuanfu bazar ertəsi şirkətin qərargahında keçirilən tədbirdə deyib: "Bu il hər kəs üçün ağıllı sürücülüyün ilk ili olacaq. Yaxın iki və ya üç il ərzində o, təhlükəsizlik kəməri və ya təhlükəsizlik yastığı kimi əvəzolunmaz standard təhlükəsizlik sisteminə çevriləcək", - deyib. (Marja)
