Almaniyanın “BMW” şirkəti yeni nəsil “7 Series” sedanını təqdim edib.
Eləcə də bax: «Lada»ların satışı 50%-dən çox - AZALIB
FED.az Banker.az-a istinadən xəbər verir ki, bu barədə xarici KİV bildirir.
Vurğulanır ki, Avropa regionu üçün avtomobil üç modifikasiyada təqdim ediləcək: 286 at gücündə dizel mühərrikli, 490 at gücündə elektrikli hibrid və 571 at gücündə benzin mühərrikli.
“7 Series” modelinin yeni xüsusiyyətlərindən biri – multimediada “YouTube”un olmasıdır. Lakin avtomobil hərəkətdə olduğu müddətdə videolara baxmaq mümkün olmayacaq. Eyni zamanda avtomobil 31 düymlük 8K BMW Theatre Screen ekranı ilə təchiz olunub.
Yenilik bazara 2022-ci ildə çıxacaq. Artıq məlumdur ki, ABŞ-da yeni nəsil avtomobilin qiyməti 94.3 min dollardan başlayır.
