Avto

Azərbaycanda yeni model krossoverlərin - İSTEHSALINA BAŞLANIB

Azərbaycanda yeni model krossoverlərin -  İSTEHSALINA BAŞLANIB | FED.az
08:37 9 İyun 2020

Ötən ilin aprel ayından “Cahan Holdinq” Kommersiya Şirkətləri İttifaqının tərkibinə daxil edilən Naxçıvan Avtomobil Zavodunda artıq yeni modeldə avtomobillərin istehsalına başlanılıb.

Eləcə də bax: «BMW X5»in az yanacaq işlədən yeni modelinin – BAKI QİYMƏTİ AÇIQLANDI

 

FED.az xəbər verir ki, Çinin “FAW İndustrial Group” avtomobil istehsalçısı ilə bağlanmış müqaviləyə əsasən, hazırda zavodda ilkin olaraq 3 ədəd “FAW T-33” krossover və 6 ədəd “FAW T-80” yük avtomobillərinin istehsalına başlanılıb. Yaxın gələcəkdə isə əlavə olaraq “FAW T-33” krossover, “Lifan X-70” krossover və “Lifan L-7” minivan tipli avtomobillərin yığılması həyata keçiriləcək. Növbəti mərhələdə isə 58 ədəd “FAW” modellərinin istehsalı nəzərdə tutulub.

Müəssisədən verilən məlumata görə, hazırda burada “Lifan” markalı avtomobillər ilkin olaraq 20 faizi ödənilməklə 48 ay müddətinə, “FAW” markalı avtomobillər isə ilkin olaraq 25 faizi ödənilməklə 36 ay müddətinə daxili kreditlə təklif olunur. Bundan əlavə, satılacaq yeni avtomobillər üçün güzəştli kampaniyalar da nəzərdə tutulub.

Qeyd edək ki, muxtar respublikanın mühüm sənaye müəssisələrindən olan Naxçıvan Avtomobil Zavodu 2010-cu ildən fəaliyyət göstərir. 2472 kvadratmetrlik əraziyə malik zavodda avtomobil sənayesində tətbiq olunan müasir dizayn, təhlükəsizlik və ekoloji normalara uyğun avtomobillər istehsal edilir. İstehsal prosesində Almaniya, İtaliya və Belçikadan gətirilmiş müasir texnoloji avadanlıqlardan istifadə olunur. Naxçıvan Avtomobil Zavodunun Naxçıvan və Bakı şəhərlərində satış mərkəzləri, texniki xidmət şöbələri və avtomobillərin ehtiyat hissələrinin satışı mağazaları, həmçinin Şərur və Culfa rayonlarında avtomobillərin servis mərkəzləri fəaliyyət göstərir.

"azərtac"

Azərbaycanda yeni model krossoverlərin -  İSTEHSALINA BAŞLANIB | FED.azAzərbaycanda yeni model krossoverlərin -  İSTEHSALINA BAŞLANIB | FED.azAzərbaycanda yeni model krossoverlərin -  İSTEHSALINA BAŞLANIB | FED.azAzərbaycanda yeni model krossoverlərin -  İSTEHSALINA BAŞLANIB | FED.az

Digər xəbərlər