Dünyanın ən məşhur evlərindən biri biri - Londondakı Beyker strit 221B ünvanında yerləşən Şerlok Holsun mənzili sayılır.
Eləcə də bax: Nazarbayevin qızı ölkədən 300 milyon dollar çıxarıb - FOTOLAR
FED.az xəbər verir ki, yazıçı Artur Konan Doylun öz məşhur qəhrəmanları - Şerlok Holm və Doktor Vatsonu «yerləşdirdiyi» bina Londona gələn hər bir turistin ilk növbədə ziyarət etdiyi məkandır.
İndi məlum olub ki, bu bina (binada Şerlok Holmsla bağlı povestlərə əsaslanan mənzil, əsərlərdən səhnələr və suvenir mağazası var) Qazaxıstanın keçmiş prezidenti, bir neçə həftə əvvəl baş verən hadisələrdən sonra tamamilə devrilmiş Nursultan Nazarbayevin ailəsinə məxsus imiş.
Britaniyanın «The Times» qəzetinin məlumatına görə, həmin binanın sahibi Nazirbayevin qızı Dariqa Nazarbaeva və onun oğlu Nurali Aliyevdir.
«Şerlok Holmsun «evi» sayılan Beyker Strit 221B-də yerləşən binanın sahibinin adı, Artur Konan Doylun əsərlərinə layiq sirr kimi qorunurdu. 5 il ərzində binanın sahibi barədə yalnız şayiələr dolaşırdı. Amma The Times müəyyən edib ki, bu bina, eləcə də, Beyker Strit 215 və Beyker-strit 237 ünvanlarındakı binalar və onların altındakı torpaq sahələri – ümumilikdə 140 milyon funt sterlinq dəyərində sərvət Qazaxıstanın keçmiş prezidentinin qızına məxsus imiş»-deyə qəzet yazır.
Məqalədə bildirilir ki, Londonun bu ərazisinə aid Torpaq Kitabındakı (əmlakların qeydiyyat reyestri) qeydlərə əsasən 2015-ci ildən bəri bu əmlakın 90%-i dariqa Nazarbayevanın, 10%-i isə onun oğlu nurəli Aliyevə məxsusdur.
Qeyd edək ki, sözügedən binanın Nazarbayevlərə məxsus olması ilə bağlı indiyədək mətbuatda bir neçə dəfə məqalə dərc edilib. O cümlədən Panama sənədlərində bu barədə yazılıb. Amma Nazarbayevlərin hüquqlarını təmsil edən «Mishcon de Reya» hüquq şirkəti bu barədə məlumatları şərh etmək istəməyib.
