25 oktyabr 2022-ci il tarixdə saat 10:00-da respublikanın şəhər və rayonlarında təkrar hərraca çıxarılacaq kiçik dövlət müəssisə və obyektlərinin siyahısı açıqlanıb.
FED.az xəbər verir ki, hərraca 13 kiçik dövlət müəssisə və obyektləri çıxarılır.
Hərraclarda iştirak etmək üçün müvafiq hərrac komissiyasına aşağıdakı sənədlər hərracın başlanmasına ən geci 3 bank günü qalanadək təqdim olunmalıdır:
1. Sifarişçinin şəxsiyyətini təsdiq edən sənəd (hüquqi şəxslər üçün: qeydiyyat şəhadətnaməsi, nizamnaməsi və VÖİN).
2. Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti tərəfindən təsdiq edilmiş formada sifariş.
3. Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti tərəfindən müəyyən edilmiş hesaba behin köçürülməsini təsdiq edən sənəd.
(10% məbləğində beh Azərbaycan Respublikası Mərkəzi Bankında Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin AZ65 NABZ 0136 1150 0000 0000 4944 nömrəli hesablaşma hesabına ödənilməlidir).
Qeyd edək ki, hərraclar respublikanın şəhər və rayonlarında müvafiq yerli hərrac komissiyaları tərəfindən keçiriləcəkdir.
25 oktyabr 2022-ci il tarixində hərraca çıxarılacaq kiçik dövlət müəssisə və obyektləri
- Bakı şəhəri, Xəzər rayonu, Mərdəkan qəsəbəsi, Yesenin küçəsi, 2-ci döngə, bina 2M. “Mərdəkan” restoranı
- Şadlıq evi, Bakı şəhəri, Qaradağ rayonu, Qobustan qəsəbəsi, Salyan yolu küçəsi, 5A
- Bakı şəhəri, Sabunçu rayonu, Zabrat qəsəbəsi, Oktyabr küçəsi 24, Qapı 1, 41 saylı mağaza
- Gəncə şəhəri, Kəpəz rayonu, Z.Əliyeva küçəsi, 2-ci döngə, bina 10, İki mərtəbəli istehsal sexi
- Neftçala rayonu, Bankə qəsəbəsi, H.Əmənov küçəsi, 9A, 1 saylı bərbərxana
- Lənkəran rayonu, Moloja kəndi, Moloja kənd Sənətkarlıq klubu
- Şəmkir rayonu, Keçili kəndi, “Çinar” soyuducular zavodunun Şəmkir filialı
- Şəmkir rayonu, Keçili kəndi, Şəmkir yun tədarükü məntəqəsi
- Goranboy rayonu, Qarapirimli kəndi, Yardımçı təsərrüfat
- Goranboy rayonu, Səfikürd kəndi, Qovlar tikiş fabrikinin Goranboy sahəsi
- Balakən şəhəri, Gözəlov küçəsi, 102, “Qubek Otel” İstirahət Zonası
- Qəbələ rayonu, Çuxur Qəbələ kəndi Qaraj binası
- İsmayıllı rayonu, Soltankənd kəndi, Soltankənd kənd Yaradıcılıq Evi
- Ağstafa rayonu, Köçəsgər kəndi, Mal fermasının yarımçıq tikilisi
