Əmlak Məsələləri Dövlət Xidməti tərəfindən yer təkinin istifadəsi məqsədilə 7 avqust 2025-ci il tarixində saat 11:00-da geniş həcmli auksion keçiriləcək.

Yataq dəstindən meyvə qutusuna : Vergidən yayınanların əmlakları - HƏRRACA ÇIXARILDI

FED.az xəbər verir ki, hərrac çərçivəsində Balakən və Oğuz rayonlarında yerləşən qum-çınqıl və gil yataqları istismara verilmək üçün satışa çıxarılır. Proses yerli və xarici hüquqi və fiziki şəxslər üçün açıq olacaq və şəffaflıq prinsiplərinə əsaslanacaq.

Balakən rayonu üzrə hərraca çıxarılan yataq “Katexçay” adlanır. Burada istismara veriləcək sahənin həcmi 17 250 kubmetr, ümumi sahəsi isə 1.15 hektardır. Yataqda əsas faydalı qazıntı qum-çınqıldır və istifadəyə veriləcək müddət 10 ayadək müəyyən edilib. Bu LOT üzrə başlanğıc qiymət 1 725 manat təşkil edir, beh məbləği isə 172 manat 50 qəpikdir. Hərracda iştirak haqqı 540 manat müəyyən olunub.

Oğuz rayonu üzrə “Muxas-Daşağılçay” qum-çınqıl yatağından dörd müxtəlif LOT təqdim olunur. Həcmlər 60 min kubmetrdən başlayaraq 100 min kubmetrə qədər dəyişir, sahələr isə müvafiq olaraq 3.0, 3.5, 4.5 və 5.0 hektar təşkil edir. Bu sahələrin hər biri üçün istismar müddəti 10 ayadək nəzərdə tutulub. LOT-ların başlanğıc qiymətləri isə ardıcıllıqla 6 000, 7 000, 9 000 və 10 000 manatdır. Müvafiq olaraq hər biri üçün beh məbləği ilkin qiymətin 10 faizi miqdarında – yəni 600, 700, 900 və 1 000 manat təşkil edir. Hər bir iştirakçının ödəməli olduğu iştirak haqqı isə standart olaraq 540 manatdır.

Eyni zamanda Oğuz rayonunda yerləşən “Nic” gil yatağı da hərraca təqdim olunacaq. Burada istismara veriləcək sahənin ümumi həcmi 161 000 kubmetr, sahəsi isə 3.5 hektardır. Yataqda çıxarılması nəzərdə tutulan əsas faydalı qazıntı gil hesab olunur. Bu LOT üzrə başlanğıc qiymət 16 100 manat, beh məbləği isə 1 610 manatdır. İştirak haqqı bu LOT üzrə də 540 manatdır.

Yer təkindən istifadə ilə bağlı 7 avqust 2025-ci il tarixində saat 11:00-da keçiriləcək hərracın elanı:

Hərrac auksion formasında keçiriləcəkdir.

Balakən rayonu “Katexçay” qum-çınqıl yatağı

 Oğuz rayonu “Muxas-Daşağılçay” qum-çınqıl yatağı

 Oğuz rayonu “Nic” gil yatağı

Hərracın keçiriləcəyi ünvan: Əmlak Xidmətləri Məkanı, Xəlil Rza Ulutürk 20 Bakı, Azərbaycan, 1029.

Qeyd: Hərracda iştirak etmək istəyən fiziki və hüquqi şəxslər hərracla bağlı məlumat almaq, iştirak haqqı və 10% miqdarında beh məbləğini ödəmək üçün Dövlət Mineral Xammal Ehtiyatlarından İstifadə Agentliyinə müraciət edə bilərlər. (Bakı şəhəri, Səbail rayonu, İstiqlaliyyət küçəsi, 31 A) tel: (012) 597 01 68 (dax:5022)

Yer təki sahəsindən faydalı qazıntılar çıxarılması üçün hərrac iştirakçıları lazımi maliyyə və texniki imkanlara malik olmalı və hərracda iştirak etmək üçün aşağıdakı sənədləri müraciət Ərizəsinə qoşma olaraq təqdim etməlidirlər: 

• Hərracda iştirak etmək üçün yazılı ərizə-müraciət (əlavə olunur);
• Hərracda iştirak haqqının ödənilməsi barədə bank sənədinin əsli;
• Hərracda (müsabiqə və auksion) iştirak etmək üçün ödənilən iştirak haqqı (hərrac xərcləri) hərrac predmetinin ehtiyat həcmlərinə münasibətdə aşağıdakı qaydada (Lot üzrə) müəyyən edilir:

Ehtiyat həcmi 200 000 (iki yüz min) kub metrədək  - 540,00 (beş yüz qırx) manat;

Ehtiyat həcmi 200 000 (iki yüz min) kub metrdən 500 000 (beş yüz min) kub metrədək  - 810,00 (səkkiz yüz on) manat;

Ehtiyat həcmi 500 000 (beş yüz min) kub metrdən yuxarı olduqda – 1080,0 (bir min səksən) manat.

Hərracda iştirak etmək istəyənlər yatağın hər lot üzrə ehtiyat həcminə uyğun olaraq iştirak haqqını aşağıda göstərilən hesaba köçürdükdən sonra, Azərbaycan dilində tərtib olunmuş əsas şərtlər toplusunu Dövlət Mineral Xammal Ehtiyatlarından İstifadə Agentliyinin Bakı KOB evindəki pəncərəsindən (Əlaqələndirici şəxs: Əliyev Sərxan, telefon: (055) 277 23 37) pəncərəsindən ala bilərlər.

İştirak haqqı heç bir halda geri qaytarılmır.