Villa İstanbulun Avropa hissəsində Çatalca inzibati rayonunda yerləşir. Ümumi sahəsi - 250 kv.m. , 3 yataq otağı, 1 salonu, 2 mətbəxi, 2 hamam/tualeti və 2 balkonu vardır. 2019-ci ildə inşa edilmişdir. Ətrafı meşədir.
- villada təbii qaz var
- elektrik var
- su var
- yerlər parket
- mətbəx mebeli var
- mətbəx texnikası var
- çanaq anteni var
- polad giriş qapısı
- 7/24 etibarlı mühafizə
Yeni havalimanına - 20 km
Kuzey Marmara magistralına - 10 km
Boğaz körpüsünə - 50 km
Ən yaxın çimərlik - 500 m
Çatalca rayonu haqqında.
Qədim tarixə və strateji əhəmiyyətə malik olan Çatalca, ərazi baxımından İstanbulun ən böyük rayonudur (ilçəsidir). Çatalcanın ərazisinin 60 %-i meşəlikdir. Rayon Qara dəniz sahilindədir. Sahil uzunluğu 135 km.dir. İstanbul boğazına məsafə 55 kmdir. Cənubda Büyükçekmece, qərbdə Silivri rayonları və yenə qərbdə Tekirdağ vilayətinə (ilinə) qonşudur. Şərqdəki qonşuları - İstanbulun Avcılar, Küçükçekmece, Qaziosmanpaşa rayonlarıdır. Ərazisində qədim tarixə malik Durusu (Terkos) gölü vardır.
Gölün sahəsi böyükdür və çox sayda balıq var. Spininqlə balıq ovuna icazə verilir. Çatalcanın bəzi yerləri dəniz səviyyəsindən 350 m yüksəklikdədir. Bəzi yerləri dağlıq və təpəlikdir. Əsasən ovalıqdir.
Cəmi 40 kənd tipli qəsəbəsi var. Əhali 1965 ci ildə 62.000, 1985 ci ildə 117.000, 2015 ci ildə isə 20.000 nəfər olmuşdur. Əhalinin illər ərzində azalmasının səbəbi rayonun lüks bir səmtə çevrilməsidir. Bu səbəbdən torpaq sahələrinin qiyməti artdığından insanlar ərazilərini sataraq başqa rayonlara köçmüşlər. İstanbulun Avropa hissəsində yaşayan çox sayda zəngin ailənin Çatalcada çiftlikləri (fazenda tipli malikanələri) vardır. Bu ərazilərdə at, maral, ceyran, dəvə, nadir quşlar və digər çiftliklər vardır. Bu çiftliklər zənginlər tərəfindən həm yaşamaq üçün, həm də yatırım məqsədi ilə alınır. Belə ki İstanbulda bu cür çiftliklərdə toy, nişan, ad günü kimi mərasimləri keçirmək çox populyardır və çox məsrəf tələb edir. Məsələn açıq havada çiftlikdə keçiriləcək 200 nəfərlik bir nişan mərasimi hətta 10.000 dollara başa gələ bilər. İstanbulda yaşayan avropalılar, ərəblər və zəngin türk ailələri mərasimlərini bu cür çiftliklərdə keçirir. Odur ki alınan çiftlik bəzən maya dəyərini 3 ildə ödəyir. Məhz bu baxımdan İstanbul çiftlikləri son zamanlar ərəb şeyxlərinin maraq dairəsindədir. Həm yerli, həm də əcnəbi əmlak yatırımcılar tərəfindən İstanbulda alınan torpaq ərazilərinin 50% i məhz Çatalcada yerləşir.
Türk seriallarındakı çiftlik çəkilişlərinin əksəriyyəti Çatalcada həyata keçirilmişdir. "Aşkı Memnu", "Kurtlar vadisi", "Paramparça", "Cesur ve güzel" filmləri buna misal ola bilər. Məşhur Korludağ qəsəbəsi Çatalcada, Durusu gölünə yaxın ərazidədir. Çox sayda saf qumlu çimərlikləri var. Bu çimərliklər İstanbulun ən təmiz sahil çimərlikləri sayılır.
3 cü Boğaz körpüsünün, 3 cü hava limanının və Kuzey Marmara avtomagistral yolunun işə düşməsi Çatalcanın əhəmiyyətini xüsusilə artırdı. Bu Avropaya gedən həmin magistral yol Çatalcadan keçir. Bakıdan Avropayadək uzanacaq olan Bakı-Tiflis-Kars dəmiryolu layihəsi də Çatalcadan keçəcək.
Çatalca İstanbulun organik məhsullar mənbəyidir. Rayonun əsas gəliri heyvandarlıq, bitkiçilik, əkinçilik və sanayedən qaynaqlanır. İstanbulda əkinə yararlı münbit torpaqların 40% -i Çatalcadadır. Burda günəbaxan, arpa, qovun, qarpız və çox sayda tərəvəz yetişdirilir. İstanbuldakı camışçılıq təsərrüfatlarının ən çox yerləşdiyi Çatalcada delikates olan - camış yağı, südü, pendiri, qaymağı da istehsal olunur.
Çatalca rayonunda villa, torpaq əraziləri, malikanə, ferma, kommersiya obyektləri və digər əmlak almaq istəyənlər Əlaqə: +994 55 252 41 10 telefona müraciət edə bilərlər.
