Bu ilin yanvar-fevral aylarında Azərbaycan vətəndaşları Türkiyədə 114 mənzil alıblar.
Bakıda mənzillər ən çox bu qəsəbədə bahalaşıb
FED.az biznes və maliyyə xəbərləri portalı xəbər verir ki, bu barədə Türkiyənin Statistika İdarəsi bildirir.
Məlumata görə, bu, 2025-ci ilin yanvar-fevral ayları ilə müqayisədə 23 mənzil və ya 16,8 % azdır.
Ötən ay isə Azərbaycan vətəndaşları Türkiyədə 60 daşınmaz əmlak alıblar ki, bu da 2025-ci ilin eyni ayı ilə müqayisədə 27 mənzil və ya 31,03 % azdır.
Fevralda Azərbaycan vətəndaşları Türkiyədə ev alanların siyahısında ilk onluqda 7-ci yerdə qərarlaşıb.
Ümumilikdə, 2026-cı ilin yanvar-fevral aylarında Türkiyədə xarici vətəndaşlara 2 824 mənzil satılıb. Bu, ötən ilin eyni ayları ilə müqayisədə 199 mənzil və ya 6,6 % azdır.
Təkcə fevral ayında Türkiyədə xarici vətəndaşlara 1 513 mənzil satılıb. Bu, ötən ilin eyni ayı ilə müqayisədə 48 mənzil və ya 3,3 % çoxdur.
Bu ilin yanvar-fevral aylarında Türkiyədə ən çox mənzil alanlar Rusiya vətəndaşları olub. Onlara ötən iki ay ərzində 410 mənzil satılıb. Bu, 2025-ci ilin yanvar-fevral ayları ilə müqayisədə 94 ədəd və ya 18,6 % azdır.
Bu ilin fevral ayında isə Rusiya vətəndaşları Türkiyədə 191 mənzil alıblar ki, bu da ötən ilin eyni dövrü ilə müqayisədə 65 ədəd və ya 25,4 % azdır.
Növbəti yeri İran vətəndaşları tutublar. Bu ilin iki ayında onlar bu ölkədə 249 mənzil satılıb ki, bu da illik müqayisədə 46 ədəd və ya 15,6 % azdır.
Bu ilin fevral ayında isə iranlılar Türkiyədə 131 mənzil alıblar ki, bu da ötən ilin fevral ayı ilə müqayisədə 2 ədəd və ya 1,5 % azdır.
Bu ilin yanvar-fevral aylarında Türkiyədə ev alanların siyahısında üçüncü yerdə İraq vətəndaşları qərarlaşıblar. Belə ki, son iki ayda iraqlılar Türkiyədə 180 mənzil sahib olublar. Bu da 2025-ci ilin iki ayı ilə müqayisədə 22 mənzil və ya 10,9 % azdır.
Bu ilin fevral ayında isə iraqlılar Türkiyədə 106 mənzil alıblar ki, bu da ötən ilin fevral ayı ilə müqayisədə 7 ədəd və ya 7,07 % çoxdur.
Xatırladaq ki, 2025-ci ildə Azərbaycan vətəndaşları Türkiyədə 944 mənzil alıblar. (Report)
