Mülkiyyətində olan nəqliyyat vasitəsilə malların daşınmasını həyata keçirən vergiödəyicisinə həmin malların daşınmasına görə hansı sənəd verilməlidir?
FED.az Dövlət Vergi Xidmətinə istinadla xəbər verir ki, Vergi Məcəlləsində edilmiş dəyişikliyə əsasən, “Avtomobil nəqliyyatı haqqında” Qanuna uyğun olaraq avtomobil nəqliyyatı vasitəsilə əmtəə təyinatlı yüklərin daşınmasına görə elektron əmtəə-nəqliyyat qaiməsini və yük avtonəqliyyatı üçün elektron yol vərəqəsini tərtib etmək vergiödəyicisinin vəzifələrinə aiddir.
Buna əsasən, yükdaşıma fəaliyyəti göstərən vergiödəyicisi tərəfindən yüklərin yükgöndərəndən yükalana daşınaraq təhvil verilməsi elektron əmtəə-nəqliyyat qaiməsi və elektron yol vərəqəsi əsasında həyata keçirilir.
Eyni zamanda, müvafiq dəyişikliyin tətbiqi elektron əmtəə-nəqliyyat qaiməsinin və elektron yük avtonəqliyyatı üçün elektron yol vərəqəsinin forması, tətbiqi, uçotu və istifadəsi qaydasının Nazirlər Kabineti tərəfindən təsdiqi ilə eyni gündə qüvvəyə minir.
(Azərtac)
