Banner

Vergilər

Vergilərin ödənilməsinin - SON MÜDDƏTİ AÇIQLANIB

Vergilərin ödənilməsinin - SON MÜDDƏTİ AÇIQLANIB | FED.az
13:23 20 Aprel 2020

Xüsusi karantin rejimi dövründə vergi hesabatlarının verilməsinin və vergilərin ödənilməsinin son müddəti açıqlanıb.

Eləcə də bax: Vergi bəyannaməsinin tərtibi və göndərilməsi ilə bağlı - YENİ TƏLİMAT - VİDEO

FED.az xəbər verir ki, İqtisadiyyat Nazirliyi yanında Dövlət Vergi Xidmətindən  bildirilib ki, Nazirlər Kabinetinin 2020-ci il 18 aprel tarixli Qərarına əsasən, “Sanitariya-epidemioloji salamatlıq haqqında” Azərbaycan Respublikası Qanununun 25-ci maddəsinə uyğun olaraq, ölkə ərazisində tətbiq edilən xüsusi karantin rejimi 2020-ci il 4 may saat 00:00-dək uzadılıb. Xüsusi karantin dövrü ilə əlaqədar fəaliyyəti məhdudlaşdırılmış sahələr üzrə qeyri-iş günlərinin vaxtının uzadılmasını, habelə Vergi Məcəlləsinin 68.2-ci maddəsinin müddəalarını əsas götürərək vergi hesabatlarının verilməsinin və vergilərin ödənilməsinin son müddəti aşağıdakı kimi müəyyən edilir:

- fəaliyyəti məhdudlaşdırılmış sahələr üzrə vergi ödəyiciləri tərəfindən 2019-cu ilin yekunlarına görə mənfəət (gəlir) və əmlak vergisi üçün illik hesabatların, cari ilin fevral və mart ayı üçün aylıq hesabatların və 2020-ci ilin birinci rübü üçün rüblük hesabatların, habelə cari vergi ödəmələri üzrə müvafiq arayışın verilməsi və vergilərin, o cümlədən cari vergi ödəmələrinin ödənilməsi müddəti – 4 may 2020-ci il.

Digər xəbərlər

Banner