Araq istehsalçıları müvafiq qaydada reyestrdən keçəndən sonra da şərtlərə əməl etməlidirlər.
Azərbaycanda aşağı keyfiyyətli alkoqollu içkilərin satışının qarşısı alınacaq
FED.az xəbər verir ki, bunu Milli Məclisin Aqrar siyasət komitəsinin bu gün keçirilən iclasında “Qida təhlükəsizliyi haqqında” təklif edilən dəyişikliyin müzakirəsi zamanı Dövlət Vergi Xidmətinin rəis müavini Samirə Musayeva deyib.
Samirə Musayeva bildirib ki, araq məhsullarının keyfiyyətində problemlərdən biri əsas xammal olan spirtin keyfiyyəti ilə bağlıdır: “Bizdə olan məlumatlara görə, mənşəyi bəlli olmayan xammal spirtdən istifadə edilməsi halları var. Buna görə xammal spirtin rəsmi qaydada sənədləşdirilməsi bu problemi aradan qaldıracaq. Mövcud alkoqollu içki istehsalçıları qanun qüvvəyə mindikdən 6 ay ərzində icazə şərtləri üçün sənədləri təqdim edəcəklər. Şərtlərə cavab verməyənlər üçün icazənin ləğvi məsələsi qanun layihəsində öz əksini tapıb”. (Apa)
