Xəbər verdiyimiz kimi, Azərbaycan Respublikasının Vergi Məcəlləsində dəyişiklik edilməsi haqqında Qanun layihəsi Milli Məclisdə müzakirə olunur.
Azərbaycanın regionlarındakı hotellərin əmlak vergisi - 75% AZALDILIR
Azərbaycanda bu spirtli içkilərin aksiz vergisi - 20% ARTIRILIR
Mikro sahibkarlar üzrə vergi güzəşti ləğv edilir - 20 FAİZ VERGİ ÖDƏNİLƏCƏK
Azərbaycanda vergi ödəyicilərinə borcunu ödəmək üçün - VAXT VERİLƏCƏK
Yük daşıma ilə məşğul olan şəxslər üçün – VERGİLƏR ARTIRILIR – MƏCƏLLƏYƏ DƏYİŞİKLİK
FED.az xəbər verir ki, Vergi Məcəlləsinə ediləcək dəyişikliyə əsasən, 2024-cü ildən yükdaşıma fəaliyyətilə məşğul olan şəxslər növbəti ildən vergiyə yeni qayda ilə cəlb olunacaqlar.
“Bizcon Audit” MMC-nin direktor-auditoru Anar Bayramov bildirib ki, Vergi Məcəlləsinə nəzərdə tutulmuş digər dəyişikliyə əsasən 2024-cü il tarixdən yükdaşıma fəaliyyəti ilə məşğul olan şəxslər artıq məcburi qaydada sadələşdirilmiş vergi ödəyicisi olmayacaqlar:
"Bildiyimiz kimi mövcud qanunvericiliyə əsasən yükdaşıma fəaliyyəti ilə məşğul olan şəxlər dövriyyələrindən asılı olmayaraq nəqliyyat vasitəsinin hər tonuna görə 1 manat sadələşdirilmiş vergi ödəyirlər. Yəni 40 ton yükdaşıma qabiliyyəti olan nəqliyyat vasitəsilə Bakı şəhərində yükdaşımanı həyata keçirən vergi ödəyicisinin illik dövriyyəsi 1 milyon manat olsa belə, həmin şəxs ancaq aylıq 80(40 ton*1 manat* 2 əmsal) manat sadələşdirilmiş vergi ödəyirdisə, artıq nəzərdə tutulmuş dəyişikliyə əsasən növbəti ildən həmin şəxsin dövriyyəsi ümumi qaydada vergiyə cəlb ediləcək. Yəni dövriyyə 200 min manatdan azdırsa mənfəət(gəlir), dövriyyəsi 200 min manatdan artıq olarsa o zaman həm də ƏDV ödəyicisi olacaqdır və dövriyyəsindən ƏDV hesablayıb büdcəyə ödəyəcək. Əgər vətəndaşlara xidmət göstərəcəksə və dövriyyə 200 min manatdan az olacaqsa, o zaman 2% dərəcəsi ilə sadələşdirilmiş vergi ödəyicisi kimi fəaliyyət göstərə bilər. Bəs niyə yükdaşıma fəaliyyəti məcburi sadələşdirilmiş rejimin çıxarılıb, ümumi qaydada vergiləndirildi? Əsas səbəblərdən biri bu sahədə ciddi şəkildə sui-istifadə hallarının baş verməsidir. Belə ki, qeyd etdiyimiz kimi yükdaşıma fəaliyyəti ilə məşğul olan şəxs dövriyyəsindən asılı olmayaraq sabit qaydada az məbləğdə sadələşdirilmiş vergi ödəyir. Təcrübədə rastlaşırıq ki, bəzi şirkətlər öz vergi yükünü azaltmaq məqsədilə yükdaşıma şirkətlərindən daşıma ilə bağlı yüksək məbləğdə xərc sənədləri alırlar. Bununla həm süni şəkildə mənfəətlərini az göstərərək az vergi ödəyirlər, həm də pul vəsaitlərini nağdlaşdırırlar. Məlumat üçün qeyd edək ki, məcburi qaydada sadələşdirilmiş verji rejimində fəaliyyət göstərən yükdaşıma fəaliyyəti ilə məşğul olan şəxslər tərəfindən elektron qaimə faktura üzrə 2022-ci il ərzində 300 milyon manata yaxın daşıma xidməti göstərilmişdir".
Anar Bayramov əlavə edib ki, digər diqqəti çəkən məqamın da olduğunu qeyd edib: "Bildiyimiz kimi yükdaşıma fəaliyyəti ilə məşğul olan şəxslər mövcud qanunvericiliyə əsasən sadələşdirilmiş vergi ödəyicisidir və ƏDV ödəyərək aldıqları yükdaşıma nəqliyyat vasitələrinə görə ödədikləri ƏDV-ni əvəzləşdirə bilməzlər. Əgər vergi ödəyicisi 2024-cü ildən ƏDV ödəyicisi olduğu dövrdə həmin nəqliyyat vasitəsini təqdim edərsə o zaman 159.7-ci maddəyə əsasən alarkən ödənilmiş ƏDV-si əvəzləşdirilməyən nəqliyyat vasitələrinin satışı ƏDV-yə cəlb edilməyəcək".
