"Çudo Peçka" MMC-nin İqtisadiyyat Nazirliyi yanında Dövlət Vergi Xidmətinə (DVX) 156 955.85 manat borcu var.
FED.az xəbər verir ki, bu barədə DVX-nin rəsmi internet saytında bildirilir.
Qeyd edək ki, “Çudo Peçka” MMC Çingiz Cəlilov tərəfindən yaradılıb, 18 yanvar 2002-ci il tarixində dövlət qeydiyyatına alınıb. 2017-ci ilin mart ayında şirkətə məxsus “Çudo Peçka” mağazalar şəbəkəsi fəaliyyətini tamamilə dayandırıb. Şirkətin hazırkı qanuni təmsilçisi Fuad Məmmədov, nizamnamə kapitalı isə 10 manatdır. (Apa)
