Banner

Vergilər

Bəzi məhsulların idxalının ƏDV-dən müddətli - AZAD EDİLMƏSİNƏ BAXILACAQ

Bəzi məhsulların idxalının ƏDV-dən müddətli  - AZAD EDİLMƏSİNƏ BAXILACAQ | FED.az
10:31 17 Aprel 2020

Azərbaycanda əhalinin ərzaq və tibbi ehtiyacları üçün zəruri olan bəzi məhsul növlərinin idxalının ƏDV-dən müddətli azad edilməsi məsələsinə baxılacaq.

Eləcə də bax: Azərbaycanda ƏDV müvəqqəti ləğv edilir - SIYAHI

FED.az xəbər verir ki, İqtisadi İslahatların Təhlili və Kommunikasiya Mərkəzindən (İİTKM) verilən məlumata görə, bununla yanaşı, ölkədə kənd təsərrüfatının inkişafına və ərzaq təhlükəsizliyinin təmini məsələsinə xüsusi diqqət yetirilir. Belə ki, Dövlət Taxıl Fondunda kifayət qədər buğda ehtiyatı var. Digər tərəfdən Azərbaycan ərzaqlıq buğdanın bir hissəsini əsasən Rusiya və Qazaxıstandan idxal edir və hazırda bununla bağlı müvafiq işlər aparılır. Kartofla bağlı da mövcud ehtiyatları tələbatın ödənilməsi üçün tam kifayət edir. Ölkədə faraş kartofda bazara çıxmaq ərəfəsindədir. Həmçinin soğanın və digər tərəvəzlərin də istehsal ilə bağlı vəziyyət tam olaraq qaydasındadır. 

Rəsmi statistikaya görə, Azərbaycanın faktiki şəkər ehtiyatlarının həcmi 395 min tona bərabərdir və bu da yaxın aylarda daxili istehlakın ödənilməsində problemlərin olmayacağını göstərir.

Həmçinin  bu ilin ilk iki ayı ərzində Azərbaycana 7,86 min ton düyü idxal olunub. Hazırda düyü ehtiyatların həcmi təqribən 5 aylıq tələbatın ödənilməsinə kifayət edir. Ət və süd məhsulları ilə isə tələbatın ödənilməsi əsasən yerli istehsal hesabına təmin olunur. Əhalinin digər ərzaq məhsulları ilə təminatı istiqamətində də iş aparılır.

Digər xəbərlər

Banner