Bu ilin yanvar-sentyabr aylarında Azərbaycanda vergi orqanlarının xətti ilə dövlət büdcəsinə 10 451,4 milyon manat vəsait daxil olub.
Eləcə də bax: Hökumətin dövlət büdcəsini necə xərclədiyi - AÇIQLANDI
FED.az Maliyyə Nazirliyinə istinadən xəbər verir ki, bu, proqnoza nisbətən 10,2 %, ötən ilin eyni dövrü ilə müqayisədə isə 64,5 % çoxdur.
9 aylıq vergi daxilolmalarının 4 259,7 milyon manatı neft, 6 191,7 milyon manatı isə qeyri-neft sektorunun payına düşüb. Bunlar, 1 il əvvələ nisbətən müvafiq olaraq 2,6 dəfə və 31,9 % çoxdur.
Hesabat dövründə proqnoza nisbətən artıq daxil olan vəsaitin 774,8 milyon manatı neft, 195,9 milyon manatı qeyri-neft sektorunun payına düşüb. (Report)
