Banner

Vergilər

Alıcılara qaytarılmış ƏDV-nin məbləği açıqlandı - SÜRƏTLİ ARTIM

Alıcılara qaytarılmış ƏDV-nin məbləği açıqlandı - SÜRƏTLİ ARTIM | FED.az
11:20 19 Aprel 2021

Ötən ilin may ayından etibarən bu günədək alınan mallara görə ödənilən ƏDV-nin qaytarılması üçün istehlakçıların müraciətlərinin qeydiyyata alındığı informasiya sistemi olan xüsusi portalda (edvgerial.az) 1,340 milyondan çox istifadəçi qeydə alınıb.

Eləcə də bax: Xarici alış-verişlər zamanı ƏDV tələbi ilə bağlı - VERGİDƏN AÇIQLAMA

İqtisadiyyat Nazirliyi yanında Dövlət Vergi Xidmətindən FED.az-a verilən məlumata görə, "ƏDV geri al" layihəsinin tətbiq edildiyi vaxtdan 2021-ci ilin 1-ci rübünün sonunadək portalda qeydiyyatdan keçmiş istifadəçilər tərəfindən iki bank üzrə ümumilikdə 147 111 792 çek üzrə 60 192 462 manat ƏDV məbləği geri qaytarılıb.

2021-ci ilin 1-ci rübü ərzində çek əlavə edən müştərilərin sayında artım dinamikası müşahidə edilib. Belə ki, əgər yanvar ayında portalda qeydiyyatdan keçmiş 779 018 istehlakçı sistemə çek əlavə etmişdisə, mart ayında bu rəqəm 1 026 757 nəfərə çatıb ki, bu da "ƏDV geri al" layihəsinə olan marağın sürətlə artmasını göstərir. Bütövlükdə, 2021-ci ilin 1-ci rübü ərzində 67 101 388 kassa çeki üzrə 26 770 074 manat ƏDV məbləği istehlakçılara geri qaytarılıb.

Banner
Banner

Digər xəbərlər