Növbə rəisi (İstehsalat)
Vəzifə öhdəlikləri:
1. İstehsalat tapşırıqlarının ( iş və xidmətlərin) yerinə yetirilməsini, məhsulun müəyyən olunmuş texnologiya əsasında yüksək keyfiyyətdə istehsalına nəzarəti təmin etmək
2. Avadanlığın arası kəsilmədən tam gücü ilə işləməsinə, istehsalın vaxtlı-vaxtında material və enerji ehtiyatları ilə təmin edilməsinə, avadanlıqların və başqa əsas vasitələrin düzgün texniki istismarına, xammal, yanacaq və materialların qənaətlə istifadəsinə operativ nəzarəti həyata keçirmək
3. İstehsalın gedişində qarşıya çıxan xətaları aradan qaldırmaq
4. Əmək məhsuldarlığının artırılması, məhsula sərf olunan əməyin, məhsulun maya dəyərinin aşağı salınması üçün əlavə istehsalat ehtiyatlarından istifadə yollarını axtarıb tapmaq və təşkil etmək
5. İstehsalın planlaşdırılması, normalaşdırılmanın yaxşılaşdırılması, iş yerlərinin təkmilləşdirilməsi, qabaqcıl üsul və metodların yayılması işində iştirak etmək
6. İstehsalat fəaliyyətinin nəticələrini, avadanlığın boşdayanma və buraxılan məhsulun ( iş və xidmətin) keyfiyyətinin aşağı düşməsi səbəblərini təhlil etmək, üzə çıxan qüsurları aradan qaldırmaq üçün tədbirlərin işlənməsində və tətbiqində iştirak etmək
7. Məhsulun iş yerlərində hərəkətinin və istehsal tapşırıqlarının yerinə yetirilməsinin operativ uçotunu aparmaq
8. Əməkdaşlar tərəfindən texnoloji, istehsal və əmək intizamının pozulmasına, əməyin mühafizəsi, təhlükəsizlik texnikası, istehsalat sanitariyası və yanğından mühafizənin qayda və normalarına riayət olunmasına nəzarət etmək
9. İstehsalat və əmək intizamını pozanlara inzibati cəza verilməsi haqqında rəhbərinə təkliflər təqdim etmək
10. Tabeliyində olan əməkdaşları idarə etmək, korporativ prosedurlar çərçivəsində rəhbərlik tərəfindən verilən digər tapşırıqları yerinə yetirmək
11. İstehsalat sahələrində işçilərin işlədiklərini sahəni təmiz saxlamaqları ilə bağlı müvafiq göstərişlər vermək və istehsalat sahələrinin təmizliyini təmin etmək
Tələblər:
- Təhsil : Ali (Texniki təhsil olması üstünlükdür)
- İş təcrübəsi : 3 ildən 5 ilə qədər (İstehsalat sahəsi üzrə təcrübə olması üstünlükdür)
- Yaş : 25 - 40
- Cins : Kişi
İş şəraiti:
- İş yeri: Keşlə, 2-ci Eninə küç,2. Ulduz Şokolad Fabrikinin binası;
- Nahar şirkət tərəfindən təmin olunur;
- İş qrafiki: Növbəli
Maraqlanan namizədlər öz CV-lərini emailin mövzu hissəsində "Növbə rəisi" qeyd edərək [email protected] e-ünvanına göndərə bilərlər.
Baş Mühasib
Vəzifə öhdəlikləri:
• Maliyyə-təsərrüfat fəaliyyətinin mühasibat uçotunu təşkil etmək;
• Təsərrüfat əməliyyatlarının mühasibat uçotu hesablarında (həmçinin mühasibat uçotu registrlərində) düzgün əks etdirilməsi, ona nəzarət, operativ məlumatların təqdim edilməsi, mühasibat (maliyyə) hesabatlarının müəyyən edilmiş müddətlərdə tərtib və təqdim etmək;
• Təsərrüfat daxili ehtiyatlarının aşkara çıxarılması və səfərbər edilməsi məqsədilə mühasibat uçotu və hesabatının məlumatları üzrə Cəmiyyətin maliyyə-təsərrüfat fəaliyyətinin iqtisadi təhlilinin həyata keçirilməsini, inventarizasiyanın aparılmasını təmin etmək;
• Əsas vəsaitlərin, maddi-əmtəə sərvətlərinin və pul vəsaitlərinin hərəkəti ilə bağlı əməliyyatların mühasibat uçotu hesablarında vaxtında əks etdirilməsinə nəzarət etmək;
• Vergi orqanlarına qanunvericiliklə müəyyən edilmiş hallarda və qaydada vergi hesabatını təqdim etmək;
• Qanunvericiliklə müəyyən edilmiş müddətdə mühasibat sənədlərinin və vergilərin hesablanması və ödənilməsi üçün zəruri olan digər sənədlərin, habelə alınan gəliri, çəkilən xərcləri və vergi ödənişlərini (tutulmalar) təsdiq edən sənədlərin saxlanılmasını təmin etmək;
• Gəlirlərin müəyyən olunmuş müddətlər çərçivəsində daxil olmasına nəzarət etmək;
• Cəmiyyətin bank hesabları üzrə aparılan maliyyə və hesablama əməliyyatların operativ uçotunun aparılmasını təmin etmək;
• Müqavilələr əsasında alınan malların və xidmətlərin dəyərinin vaxtında ödənilməsini təmin etmək;
• Cəmiyyətin fəaliyyəti ilə bağlı vergi qanunvericiliyi ilə müəyyən edilmiş zəruri sənədlərin, hesabatların tərtibatı və vergi orqanlarına təqdim etmək;
• Maliyyə vəsaitlərin hərəkətinin uçotunu aparmaq və maliyyə uçotun standartlarına uyğun olaraq maliyyə fəaliyyətinin nəticələri barədə hesabatları tərtib etmək;
• Cəmiyyətin maliyyə vəziyyəti, daxil olan pul vəsaitləri, keçirilən maliyyə əməliyyatları və debitorlar barədə məlumatları hazırlayıb rəhbərliyə təqdim etmək;
• Mədaxil-məxaric büdcəsinin, pul vəsaitlərinin, həcm gəlirinin formalaşdırılmasını təmin etmək;
• Müştəri və biznes üzrə digər partnyorlara hesabları təqdim etmək, qarşılıqlı hesabları tutuşdurmaq;
• Statistik hesabatların təhvil verilməsi üçün məlumatları hazırlayıb rəhbərliyə təqdim etmək;
• Maliyyə-mühasibatlıq sənədlərin düzgün və vaxtında rəsmilləşdirilməsinə nəzarət etmək;
• Xəzinə, təsərrüfat və bank əməliyyatların, əsas vəsaitlərin və öhdəliklərin, qeyri-material aktivlərin, az dəyərli əşyaların, material ehtiyatların və hesab-fakturaların uçotunu aparmaq;
• Əmək haqqının ödənilməsi hesablarını, dövlət büdcəsinə məcburi ödəmələri, dövlət sosial sığorta fonduna ayırmaları, digər ayırmaları tərtib və nəzarətini təmin etmək.
Tələblər:
• Maliyyə mühasibatlıq sahəsi üzrə ali təhsil;
• İstehsalat və senaye sektorlarında baş mühasib vəzifəsində ən azı 5 il iş təcrübəsi;
• Sahə üzrə qanunvericiliyin bütün tələblərini yüksək səviyyədə bilmək;
• Milli mühasibat uçotu standartlarını yüksək səviyyədə bilmək;
• İnkişaf etmiş rəhbərlik və təşkilatçılıq qabiliyyəti;
• Detallara qarşı diqqətlilik və məsuliyyətlilik;
• Planlaşdırma və vaxtın düzgün istifadə edilməsi bacarıqları;
• Əla səviyyədə Azərbaycan dili;
• MS Office proqramlarından yaxşı səviyyədə istifadə bacarıqları;
• Mühasibatlıq proqramında işləmək bacarıqları 1c (8.3).
Texniki Bacarıqlar:
• “Mühasibat uçotu haqqında” Azərbaycan Respublikasının Qanununun tələbləri;
• Azərbaycan Respublikası Vergi Məcəlləsi;
• İnzibati Xətalar Məcəlləsi.
İş şəraiti:
• İş qrafiki: 09:00-18:00 (5 günlük)
• Əmək haqqı: Bilik və bacarıq əsasında təyin olunur;
• İş yeri: Keşlə, 2-ci Eninə küç,2. Ulduz Şokolad Fabrikinin binası
Maraqlanan namizədlər öz CV-lərini emailin mövzu hissəsində "Baş Mühasib" qeyd edərək [email protected] e-ünvanına göndərə bilərlər.
