Banner

Vakansiyalar

"AzerGold" işçi axtarır - VAKANSİYA

"AzerGold" işçi axtarır - VAKANSİYA | FED.az
20:08 3 Dek 2020

Şirkət haqqında:

AzerGold QSC qiymətli və əlvan metal filizi yataqlarının öyrənilməsi, tədqiqi, kəşfiyyatı, idarə olunması, hasilatı, emalı və satışı, bu sahədə yeni texnologiyaların tətbiqi, maddi-texniki bazanın müasirləşdirilməsi və ondan səmərəli istifadə, habelə bu sahənin inkişafı ilə bağlı digər işlərin yerinə yetirilməsi sahəsində fəaliyyət göstərir.

İş yeri: Daşkəsən rayonu

Vakansiya barədə məlumat: Baş energetik

Əsas vəzifə və öhdəliklər:

• Müxtəlif güclü yarım stansiyaların layihələndirilməsi;
• Elektrik generatorlarının, alternativ enerji qurğularının istismarı və texniki xidməti;
• Elektrik dövriyyəsinin hesablanması;
• Qəbul olunmuş qaydaları və əmsalları nəzərə alaraq layihələndirilmə işləri;
• Müvafiq dövlət strukturları ilə layihələrin razılaşdırılması və təsdiqi;
• Layihələrə əsasən quraşdırılacaq elektrik avadanlıqlarının, mal-materialların, qəbul olunmuş əmsalları nəzərə alaraq, smetaların hesablanması;
• Mövcud olan elektrik dövriyyəsinə uyğun alınmış yarım stansiyaların istismarı və texniki xidməti;
• Elektrik quraşdırma üzrə texniki şərtlərin razılaşdırılması və təsdiqi;
• Elektrik-quraşdırma işlərinin tikintisinin Tikinti Norma və Qaydalarına uyğun təşkili və nəzarəti;
• Cəmiyyətin bütün elektrik təsərüfatına nəzarət.

Tələb olunan bilik, bacarıq və səriştələr:

• Enerji xidməti üzrə metodiki, normativ və digər aidiyyatı sənədləri üzrə biliklər;
• Enerji təsərrüfatının təşkili, onun texniki istismarının qaydaları və təmir aparılmasının texnologiyası üzrə biliklər;
• Enerji avadanlıqlarının istehsal gücü, texniki xarakteristikası, konstruktiv xüsusiyyəti, iş rejimi və onların istismar qaydaları üzrə biliklər;
• Yanacaq-enerji ehtiyatlarının sərfi normasının işlənməsi qaydaları üzrə biliklər;
• Microsoft Office proqramları, AutoCad və s. mühəndis proqramlarını mükəmməl bilməli;
• Dil bilikləri: Azərbaycan dili mükəmməl, Rus dili yaxşı, İngilis dili arzuolunandır;
• Komandada işləmə, təşkilatçılıq, ünsiyyət və peşəkar münasibətlərin qurulması bacarıqları, təşkilatın missiyasına sadiqlik.

Tələb olunan təhsil və iş təcrübəsi:

• Müvafiq sahə üzrə ali təhsil;
• Minimum 5 il müvafiq sahədə iş təcrübəsi.

Göstərilən tələblərə uyğun namizədlər azergold.az saytının karyera bölməsindən qeydiyyatdan keçərək müraciət edə bilərlər.
Müraciət edən namizədlərdən yalnız namizədliyi vakansiyaya uyğun olanlarla əlaqə saxlanılacaq.

Banner

Digər xəbərlər